تحدثت الفنانة منة شلبي عن الموقف الصعب الذي تعرضت له خلال استلامها تكريمها بجائزة 'الإنجاز الإبداعي' في الدورة الثامنة من مهرجان الجونة السينمائي، عندما تعرض فستانها للقطع.

وحكت منة شلبي عن موقف يسرا معها وكيف ساعدتها لتجاوز الأزمة.

وقالت منة شلبي في لقائها مع برنامج 'ET بالعربي': 'وإحنا بنحضن بعض الفستان فك قولتلها الحقيني الفستان فك فمسكته وأنا عارفة أن ورايا سند وضهر وكنت بقول الجملة وكأني مفيش حاجة لأن أنا متأكدة أنها عمرها ما هتسيب الفستان'.

وتابعت منة شلبي:'ومتأكدة أن دي لحظة بالنسبة ليا كبيرة وبالنسبة ليها كبيرة لأنها شايفة أن البنت الصغيرة اللي رشحتها في 'أين قلبي' وقالت دي شاطرة وهي دي اللي هتعمل الدور دا شافتها بتكبر قدام عينيها'.

وأكملت منة شلبي: 'أنا الحمد لله علاقتي بزمايلي عظيمة أكيد إحنا دايما بنسند بعض، يسرا أكتر واحد بتربطني بيها علاقة إنسانية قوية'.

يذكر أنه يعرض حاليا لمنة شلبي في دور السينما فيلم 'هيبتا: المناظرة الأخيرة' قصة من تأليف محمد صادق، وسيناريو محمد جلال ومحمد صادق بالتعاون مع نورهان أبو بكر. الفيلم من إخراج هادي الباجوري وإنتاج شركة 'ذا بروديوسرز'، ”ڨوكس ستوديوز”، “فيلم سكوير”، و”ايميرسيف”، ومن المقرر عرضه في جميع دور السينما في مصر ابتداءً من 8 أكتوبر، وفي جميع الدول العربية ابتداءً من 9 أكتوبر.

لو فاتك: هتتصرف ازاي لو لقيت نفسك مسئول عن نادي كبير وانت مالكش فيها؟؟ شوف 'ابن النادي' هيعمل ايه؟