حلّت الفنانة دانا الحلبي ضيفة في برنامج 'أوضة مظلمة' وتحدثت بكل جرأة عن حياتها الشخصية ورأيها في بعض الفنانين والأعمال الفنية.

وبالتزامن مع تأكيد النجم محمد رجب زواجه من الفنانة اللبنانية، أعلنت خلال اللقاء زواجهما منذ سنة ونصف، وقبلها كان في فترة تعارف وخطوبة. ولم أخفي الأمر، أصحابنا وأهالينا عارفين، بس محبتش حياتي الشخصية حد يتدخل فيها، وعشان محمد رجب مشهور ونجم معروف بخاف من الحسد والعين'.

وتحدثت عن كواليس تعارفهما قائلة: 'تعرفنا على بعض في مسلسل (الونش) وابتدى الإعجاب، هو راجل ما شاء الله قمر ودمه خفيف جدا وبيضحكي، وعلى طول بقول له إنت رجل مميز وفي حتة لوحدك مش شبه أي حد، لا في شكله ولا في ملامحه ولا طريقة هزاره'.

وتابعت: 'على المستوى الشخصي هو حنين جدا وكلامه حلو وحلانجي، وعمره ما زعلني بكلمة، وما يعرفش ينام لو مزعل أي حد في الدنيا'.

وخلال اللقاء اعترفت دانا أن 'من الحاجات اللي أذتني اني اتحرمت من أولادي، من زمان كنت بخاف بس الآن بقيت متصالحة مع نفسي ومع الموضوع. والد أولادي حرمني من ابني وابنتي وبقيت نحو 8 سنوات لم آراهما أبداً وكنت بوقتها صغيرة في السن. وبعدين اتعرفت عليهم بعدما حاولت كثير وكنت بسافر وراهم من بلد لبلد علشان أشوفهم بس ما كنت بقدر'.

وأوضحت: 'أن السبب كان انها طلبت الطلاق، وانا مش بعمم ولكن هيدي حالة من الرجال اللي بتنتقم من النساء بعد الطلاق. وانا شفتهم في الصيف الأخير بلقاء محدود بس قبلها كان بقالي سنتين مش شيفاهم. وبقابلوني عادي وتعودوا على عدم وجودي، هما لسا صغيرين عمرهما 11 سنة و13 سنة وبس يكبروا لح يفهموا الحقيقة'.