كشفت الفنانة أمنية خليل أنها من اختارت أغنية 'عصفور' لعايدة الأيوبي، لتكون نهاية الحلقة السادسة من المسلسل.

وقالت أمينة خليل في لقاء مع ET بالعربي: 'الأغنية كانت اختياري لأن مامتي كانت بتغنيها لي وأنا صغيرة عشان مخافش، لما قريت الورق وكنت متكلمة مع أستاذ كريم الشناوي على أغنية وفكرة أن يكون فيه الدفا الأمومي المبني بين 'نيللي' والولاد ولما لقيت الأغنية اللي كانوا مختارينها أنا مكنتش أعرفها حسيت أن مش 100% هعرف أحس اللي المفروض أحسه في المشهد دا فطلبت أن ممكن تبقى الأغنية 'عصفور' ووافق وغنيتها مع الأولاد، أنا بحب عايدة الأيوبي'.

وتابعت متحدثة عن الحلقة: 'خلصت الحلقة ولقيت نفسي قاعدة بعيط، وقلت إذا كان أنا اللي في المشهد أنا بعيط ليه أنا عارفة اللي هيحصل، بس هو كان مشهد مؤثر جدا فكرة مشهد العمارات قد إيه هو معبر وبيقول أن كل البيوت والشبابيك فيهم قصص وناس'.

وفي المشهد تظهر 'نيللي' تنام في حضن الطفلين 'يوسف' و'ياسين' لتشعرهما بالأمان وتغني معهما أغنية 'عصفور' ثم تنتقل الكاميرا بين مباني كثيرة مع كلمات الأغنية.

قصة مسلسل 'لام شمسية'

تدور أحداث مسلسل 'لام شمسية' في إطار اجتماعي، ويطرح العمل عددا من القضايا، ومنها علاقات الأزواج والتعدي على الأطفال.

أبطال مسلسل 'لام شمسية'

مسلسل 'لام شمسية' من تأليف مريم نعوم وورشة سرد، وإخراج كريم الشناوى، وإنتاج شركة ميديا هب – سعدي وجوهر، وبطولة أمينة خليل، أحمد السعدنى، محمد شاهين، يسرا اللوزى، ثراء جبيل، صفاء الطوخى وعدد آخر من الفنانين.