هذه الأيام رأيت بأم عينيك يا سعادة/ البرهان كيف فعل التجار الجشعيين بالشعب السوداني. ؟ وكيف صرخ كل الشعب السوداني من الألم والجوع. ؟!! من أثر ارتفاع الأسعار الجنوني والغلاء الفاحش بالسوق وكيف أرهق كاهل المواطن في ظل ظروف الحرب الجارية ورغم النزوح والهجرة والفقر والمرض والرهق والمسيرات ذي المطر في سماء كردفان ومدينة الأبيض والدمازين بالنيل الأزرق وأرتال الشهداء من القوات المسلحة والقوات المسانده .؟ والتعازي في جاري حمامة المسجد الشهيد/ فضل الله محمد حامد حيث اصابته رصاصة طائشه في رأسه داخل الحوش بحي عرفات بمدينة الأبيض. التعازي لابنة الشيخ الحافظ لكتاب الله/ عابدين فضل الله واخوانهم وامهم الحاجة (سعدية). يا سعادة/ البرهان الشعب السوداني قال أمن السودان هو الأهم .؟ ومازال الشعب صابر حتي تقضي علي آخر جنجويدي ومليشي متمرد في كردفان ودار فور وإقليم النيل الأزرق. و الشعب صبر معاك بحفرك البطي بالإبرة. ؟؟!! وأنت تعلم الشعب السوداني منذ بداية الحرب في أبريل ٢٠٢٣ وحتي اليوم وغداً وبعد الغد.؟؟؟ مع قوات الشعب المسلحة مهما تبدل قادتها او مات أو إستشهد مثل كل الشهداء في معركة الكرامة الوطنية الخالدة.؟ نعم لو استشهد كل الضباط..!!! ولم يتبقي علي رأس القوات المسلحة الا حضرات الصولات. ؟؟!! أنا علي يقين بأن الشعب السوداني مع القوات المسلحة. ؟ الليلة زاويتي الخضراء مختصره خالص خالص يا سعادة/ أركو مني مناوي. حاكم أقليم دارفور. شايفك في أمريكا وتحت تحت قالوا انت رجل أمريكا في السودان الكلام ده صحي ولا غلط.؟؟ ( كلمني يا حلو العيون كلمني حاول حسي بي كلمني والكاين يكون.؟ ). ويا سعادة/ البرهان الشعب السوداني يترقب خطابك الأيام القادمات بالجمعية العمومية للأمم المتحدة بنيويورك حيث القصر الزجاجي الشفاف.؟؟ اوعك تلاوز أرفع رأسك فوووق الشعب ورااااك.؟؟؟ وتعال راجع السودان قوام.. قوام.؟؟ و شك حكومة كامل أدريس دي شكة ذي شكة ( الضمنه والكتشينه ) وخلي اربعة جواكر من القوات النظامية ؟؟ ذي ما قلت قبيل كلامي قصير الليلة؟؟ وأنت تعرف لم يتبقي من شهر (السمبرية ومفرق الحبتين) الا أيام معدودات وندخل شهر أكتوبر الأخضر مثل زاويتي الخضراء هذه.؟؟ وأنت عارف يا سعادة / البرهان كيف هب الشعب في أكتوبر الأخضر في ثورة ١٩٦٤ وعملت في العساكر شنوو وكانوا تحت قيادة الفريق عبود ( ما تنسي انت ذاتك هسي فريق ) خلي بالك من الانتهازيين والمنافقين وحارقي البخور وناس ( الاسبار والكجره والفكي أبو صرصور ) والمنافقين من حولك وعبرك نحن معشر الصحفيين الوطنيين نرسل تحياتنا للولد ( علاء الدين ) انت في خاطرنا ما نسيناك يا ولد .؟؟ ونكرر يا سعادة/ البرهان الشعب معاك وصابر علي الحفر بالإبرة ( بس أنت مرات دمك بارد تحرق الرووح وتوجع القلب يا سعادة .؟! ) المهم ما زال الشعب معاك و واقف وراك؟؟ وأحزرك وأذكرك بثورة أكتوبر الأخضر ١٩٦٤ ورحيل الفريق عبود رغم علاقاتة القوية مع الأمريكان وما قدمه من تنمية في ذااك الزاامان الباكر من عمر إستقلال السودان. ؟؟ هناك في نيويورك خلي خطابك قووي ولو لاقيت ( ترامب في نيويورك وسلم عليك أعصرو شديد في يدو لمن يصنقر ويقعد في الواااطا لمن يقول كر ..كر..يايمه من السودان ؟؟ سلاااام ذي سلاااام عمي/ محمود ابوكلام.؟؟ لمن يعرف سلاااام عم محمود ابوكلام. قالوا جدي أبوكلام لو جاي من الزرع مافي زول من الحلة بقدر يتلقاهوا لانوا شيلوا تقيل..؟ ولو كمان جري ما عندو فرامل الا يلاقي شجرة ويمسكها..!! وهسي البرميل الموجود في قمة جبل الكافير بالجبال الستة شالوا شيلة واحدة من الكافير وختاهوا في راس قمة (جبل كرنق حيث مسكن الجنون ) قاعد حتي تاريخ اليوم هههه) ترامب ده زول مشعل الحروب وخطاف رؤساء الدول أعمل حسابك منووو .؟؟ ده عجوز مخرف مجنون عامل ذي الديك الرومي الله لا عاد الحزب الجمهوري الأمريكي في الانتخابات القادمة.

المك/ داؤد أبوكلام داؤد. مدير مركز عيون التلال الاعلامي الثلاثاء ٢٢سبتمبر ٢٠٢٦.