قال الفنان أحمد الفيشاوي إنه اكتشف بعد سنتين من انضمامه لجماعة الإخوان أنهم لا يسعون لنشر الدعوة الإسلامية.

وأضاف خلال لقائه مع الإعلامية أميرة بدر في برنامج 'أسرار' المذاع عبر قناة النهار: 'أنا بحب أتعلم أكثر في مجالات كثيرة، ومنها طبعا الدين اللي أنا مولود عليه، لكن اكتشفت إنهم مش عايزين ينشروا دعوة إسلامية أو دعوة للسلام والحب'.

وتابع أحمد الفيشاوي: 'هما عايزين يمتلكوا أعمدة الدولة الأساسية، علشان يعملوا اللي على مزاجهم ويحرموا على باقي الناس، واكتشفت ده بعد سنتين وكنت مغفل'.

وأكمل الفيشاوي: 'مثلا ممكن يحرموا الربا ويعملوه، وكانوا ناويين يحرموا الباليه في الأوبرا المصرية، لكن يجيب رقاصات عنده في البيت. كانت فترة كئيبة وعصيبة على المصريين كلهم، والحمد لله زي ما بيقولوا مصر مقبرة الغزاة'.

وأشار أحمد الفيشاوي إلى سبب سعي الإخوان إلى استقطابه قائلا: 'أي حد ممكن الناس تتفاعل معاه وتحبه مكسب لهم، ممثل أو لعيب كورة أو نجمة سينما وما إلى ذلك'.

يذكر أن آخر أعمال أحمد الفيشاوي كان فيلم 'بنقدر ظروفك'.

فيلم 'بنقدر ظروفك' يشارك في بطولته كل من أحمد الفيشاوي ومي سليم ونسرين طافش ومحمود حافظ ومحمد محمود وعارفة عبدالرسول وإبرام سمير وطاهر أبو ليلة، ويوسف وائل نور ويوسف الأسدي، ومشرف عام على الإنتاج محمد علاء الدين، ومن إنتاج شركة كولومبيا للإنتاج الفني، ومن تأليف سمير النيل وإخراج أيمن مكرم.