كشفت الفنانة يسرا عن رأيها في معايير الجمال التي تطلق الآن والشكل الذي تظهر به أغلب الفتيات والفنانات.

وقالت يسرا بحسب حوارها مع مجلة marie claire arabia: 'الجمال أنواع وأشكال مختلفة الطبيعة اللي خلقنا بيها ربنا وبتخلي كل واحد مميز، زمان كنا بنشوف تنوع في الجمال زي سعاد حسني بسمارها الجذاب وهند رستم بطبيعتها الشقراء، وشادية بشعرها الأسود الجميل ونادية لطفي ببساطتها وملامحا الطبيعية الجميلة، الجمال الرباني'.

وتابعت يسرا: 'دلوقتي البنات كلهم شكل واحد شبه بعض نفس الشعر الأسود الطويل والحواجب الغليظة والشفايف المنفوخة، لدرجة منعرفش نفرق بينهم، ومش عارفين أن الطبيعة اللي خلقها ربنا هي الأجمل وبتخلي لكل واحدة شخصيتها اللي بتميزها'.

وعن اكثر الفترات التي شعرت فيها بجمالها بعيدا عن استخدام أي مواد تجميلية قالت يسرا في حوارها مع المجلة: 'فترة‭ ‬التسعينيات‭ ‬وبداية‭ ‬الألفينيات مكنتش بحتاج أحط مكياج كتير كانت بتبقى تعديلات بسيطة، كنت شايفة أن ربنا إداني هدية جميلة ولازم أحافظ عليها'.‭

من ناحية أخرى، تنشغل يسرا في تصوير فيلم جديد بعنوان 'الست لما'، تقدم فيه شخصية 'دينا الكردي'، وهي إعلامية مؤثرة في الأربعينات، شخصية صارمة وعقلانية، ملامحها قوية، ونظراتها حادة. تدير مركز صوت المرأة ، وتقود النضال النسوي بحزم. تؤمن بقدرة المرأة على التغيير، لكنها تعانى من صدمة خفية تترك أثرها على علاقتها بالرجال.

يشارك في بطولة الفيلم نخبة من النجوم، على رأسهم يسرا، درة، ياسمين رئيس، عمرو عبد الجليل، كريم عفيفي، محمد أنور، محمود البزاوي، رانيا منصور، دنيا سامي، انتصار، رحاب الجمل، أحمد صيام، إلى جانب مجموعة من ضيوف الشرف، من بينهم ماجد المصري، فتحي عبد الوهاب، حمدي الميرغني، مصطفى أبو سريع. العمل من تأليف كيرو أيمن ومحمد بدوي، وإخراج خالد أبو غريب، وإنتاج ندى ورنا السبكي.

لو فاتك: هتتصرف ازاي لو لقيت نفسك مسئول عن نادي كبير وانت مالكش فيها؟؟ شوف 'ابن النادي' هيعمل ايه؟