فيديو - باسم يوسف: مراتي فلسطينية لكن نفسها أبطل أتكلم عن فلسطين في الإعلام

رد الإعلامي باسم يوسف على اتهامه بالتعاطف مع فلسطين بدافع شخصي، بسبب زوجته الفلسطينية.

وقال باسم يوسف خلال لقائه مع الإعلامي أحمد سالم في برنامج 'كلمة أخيرة' المذاع عبر قناة ON: 'أنا والله مش فاهم يعني إيه دافع شخصي. يعني ملايين الناس حوالين العالم اللي نزلت تتظاهر وبتصرخ كل يوم في الإنترنت وبتعمل فيديوهات وتركب قوارب، مش معقول كل ده دافعهم شخصي'.

وأضاف باسم يوسف: 'يمكن الدافع الشخصي إنك تحس إن إنت بني آدم بتقول كلمة مع الحق. مراتي باباها فلسطيني ومامتها من المنصورة، أهل والدها كانوا في غزة طبعا فكنا يمكن قريبين من الأحداث، لكن مراتي لو عليها عليها نفسها أبطل أطلع أتكلم في الإعلام'.

تحدث باسم يوسف خلال اللقاء عن ردود الفعل على الحلقة الأولى من لقائه في برنامج 'كلمة أخيرة'، من تقديم الإعلامي أحمد سالم عبر قناة ON.

وقال باسم يوسف: 'فيه ردود أفعال كتير، وكنت متوقع يكون فيه ردود أفعال مختلفة، لكن أكتر حاجة مش هقول ضحكتني، هقول استغربتها، يقولك إيه ده! ده مش باسم، باسم اتغير مش زي ما هو.. معلش يعني كلنا أخبارنا إيه؟.. 11 سنة عدت على الناس كلها والناس هتفضل زي ما هي!.. أيوة أنا معدتش باسم بتاع 2011. أنا واحد عنده 51 سنة، عندي حياة مختلفة وظروف مختلفة وأفكار مختلفة ومستمتع إني بتغير وبتعلم حاجات كتير.. مصر نفسها بتتغير والظروف والأحاسيس بتتغير'.

لو فاتك: هتتصرف ازاي لو لقيت نفسك مسئول عن نادي كبير وانت مالكش فيها؟؟ شوف 'ابن النادي' هيعمل ايه؟