كشف الإعلامي محمود سعد تطورات الحالة الصحية للنجمة أنغام.

وقال محمود سعد في بث مباشر عبر صفحته في موقع التواصل الاجتماعي فيسبوك: 'كان في اتصال بيني وبين أنغام من دقيقة، وكلمتني راندا مديرة أعمالها'.

وأضاف محمود سعد: 'أنغام مدخلتش أوضة العزل كما نشر البعض، هي عملت الجراحة ودخلت عناية مركزة للإفاقة العادية، ودخلت بعدها غرفة عادية، ولغاية الآن هي بتحس بألم جبار في منطقة البنكرياس والمعدة'.

وتابع محمود سعد: 'واضح إن الجراحة كانت خطيرة ودقيقة جدا، والحمد لله الجراحة نجحت، لكن في مشكلة في التحاليل، في أرقام ظبطت وأرقام مش عايز تظبط، وبعد ما كانت من يومين ابتدت تاكل حاجة بسيطة دلوقتي مش قادرة من الألم'.

أوضح محمود سعد نتائج أحدث التحاليل التي أجريت لأنغام قائلا: 'التحاليل الأحدث قالت في مشكلة معينة ممكن الدكاترة يعملوا فيها تدخل بس مش جراحة، ودي هتاخد وقت'.

وأكمل: 'أنغام طالبة منكم تدعو لها دعاء جميل إن ربنا يساعدها تتحمل الألم وتتخطاه. هي في أوضتها مع أصدقائها ومديرة أعمالها وولادها، لكن في ألم جامد وخروجها مؤجل شوية. إن شاء الله تبقى زي الفل وترجع لنا كلنا وتغني وتسعدنا'.