حل الفنان صدقي صخر ضيفا عل برنامج 'سيبها دايرة' على إذاعة 'إنرجي'، وتحدث عن دوره في مسلسل 'لا ترد ولا تستبدل'، وهل من الممكن أن يتبرع بكليتة لأحد؟

رد صدقي صخر على سؤال عن إمكانية تبرعه بكليته في الحقيقة قائلا: قعدت أفكر كتير لما قريت دوري في مسلسل 'لا ترد ولا تستبدل'، والموضوع كان مربك الحقيقة، وقعدت اسأل نفسي: المفروض الواحد يعمل ايه في موقف زي ده؟!

وواصل: وبعدين لقيت إن فيه أشخاص معينة مش هفكر مرتين، أهلي إخواتي وكمان أصدقاء عمر اللي هم العائلة الكبيرة.

وعلق صخر على كلام المذيعة زهرة رامي عن أنه شخص يحافظ على صحته وبيلعب رياضة ورغم كل هذا مستعد للتبرع بكليته لأحد المقربين قائلا: كل ده فجأة قيمته بيقل جدا قدام حياة حد عزيز على الواحد، كل الحاجات دي بتترجم في المخ بالشكل ده، كله بيهون عشان اللي بنحبهم.

وأكمل: بس تيجي بقى للشخص اللي انت معاه في علاقة، الزوج أو الزوجة، هتعمل إيه؟ حاسس دايما الإجابة هتتحدد على حسب إيه شكل العلاقة؟ إيه شكل العلاقة والعمار اللي بينهم؟

وواصل في مسلسل 'لا ترد ولا تستبدل' طبعا علاقة 'نور' و'نادر' علاقة هشة، لسه متجوزين، عرفوا بعض بسرعة، فالعلاقة بينهم مش على أرض صلبة، فالاختيار بيبقى صعب قوي.

يذكر أن صدقي صخر قدم في مسلسل 'لا ترد ولا تستبدل' شخصية أثارت الجدل، وانقسك حولها المشاهدون ما بين الكره والتعاطف والبحث له عن مبررات.

مسلسل 'لا ترد ولا تستبدل' بطولة: أحمد السعدني، ودينا الشربيني، وصدقي صخر، وفدوى عابد، وحسن مالك، تأليف دينا نجم وسمر عبد الناصر، وإخراج مريم أبو عوف.