كشفت الفنانة فيفي عبده سبب غيابها لفترة طويلة موضحة أن السبب لم يكن كسر قدمها فقط.

وقالت فيفي عبده في لقاء مع ET بالعربي: 'أنا بعد موضوع رجليا مفيش 15 يوم لقينا 'شادي' جوز بنتي هنادي تعبان وديناه المستشفى كان طلع عنده سرطان فدخلنا في متاهات يارب يقومه بألف سلامة ويقوم كل مريض بألف سلامة كانت نفسيتي زي الزفت ومعنديش استعداد اسمع حاجة ولا أعمل حاجة والنفسية مكانتش للساحل خالص أنا ابني في المستشفى وأروح الساحل أنا مقدرش أعيش بوشين أنا بعيش بوش واحد بس'.

وتابعت معبرة عن سعادتها بتعليقات الجمهور: ' أنا اللي كان بياخد بإيدي ويخليني أشد حيلي تعليقات الجمهور ولما يسألوا فيفي عبده مش موجودة هي زي كده أبحث مع الشرطة، أنا مكنتش بكلم حد ولا عايزة أشوف حد والجمهور مش متعود على كده، تعليقاتهم هي اللي خليتني أبقى كويسة'.

واختتمت فيفي عبده كلامها: 'أنا نفسيا أحسن والحمد لله 'شادي' ابتدى يبقى أحسن وأنا قادرة أبقى جنبه بعد ما قدرت تاني أقف على رجلي وأمشي'.

وكانت فيفي عبده تعرضت لكسر في ساقها في نهاية مايو الماضي، ولم تظهر كعادتها في فيديوهات أو حفلات في الساحل الشمالي حيث ابعدتها الإصابة عن جمهورها لفترة طويلة.