طرح النجم مصطفى قمر أحدث أعماله الغنائية فيديو كليب 'مش هاشوفك'، كلمات أحمد سليم، ألحان مصطفى قمر، وتوزيع كريم عبد الوهاب.

ويشهد كليب أغنية 'مش هاشوفك' أول ظهور لزوجة مصطفى قمر معه في الأغنية، التي تقول كلماتها:

'يعني بكرا مش هاشوفك

ونقابل بعض تاني

تسمعي مني الأغاني

اللي فيكي كتبتها

يعني مانتيش راجعة تاني

وسايباني للمواجع

واللي بينا أعتبره ضايع

ولا ماضي و انتهي

لما أروح نفس الأماكن

والقى نفسي هناك لوحدي

والقى فيا الحزن ساكن

مع مين يا حبيبتي هاحكي

لما تيجي قصادي سيرتك

وابقى عايز تاني أقابلك

أجي جري أحضن في صورتك

م الحنين يا حبيبتي أبكي

وأعمل ايه في ذكرياتي

فيها كل سنين حياتي

كنت لما أشوفك يوماتي

اليوم يحلو بيكي

شوفي من عندك طريقة

أنسى بيها ولو دقيقة

أصل هي دي الحقيقة

الحياة واقفة عليكي'

وتأتي الأغنية ضمن ألبوم مصطفى قمر الجديد 'قمر 25'، ويضم الألبوم 25 أغنية متنوعة يتعاون فيها مع نخبة من أبرز الشعراء والملحنين والموزعين فى الساحة الفنية، منهم مصطفى ناصر وفارس فهمى ومحمد عبيه وغيرهم، ويأتى الألبوم محملاً بالعديد من المفاجآت الموسيقية التى تعكس تنوعاً كبيراً فى الألوان الغنائية.

من أبرز مفاجآت الألبوم، عودة التعاون بين مصطفى قمر والملحن عمرو مصطفى في نحو 4 أغنيات، في شراكة فنية جديدة تجمع بينهما بعد سنوات، كما يشارك الموزع كريم عبد الوهاب في توزيع الألبوم، إلى جانب مساهمته في إنتاج الألبوم، مع عمرو مصطفى.