لايف ستايل
موقع كل يوم -في فن
نشر بتاريخ: ٣٠ أذار ٢٠٢٦
حلت الفنانة دنيا جمعة ضيفة على برنامج 'أنا وهو وهي' المذاع عبر قناة 'صدى البلد'، حيث تحدثت عن كواليس تعاونها مع النجمة ياسمين عبد العزيز في مسلسل 'وننسى اللي كان' الذي عرض في شهر رمضان الماضي.
وقالت دنيا جمعة: 'ياسمين عبد العزيز مكانتش بالنسبة لي نجمة كانت أختي الكبيرة، وإحنا بنصور قالت لي عايزاكي تعملي حاجة حلوة أوي عشان تتشهري كويس أوي، وده ينم عن إنها بني آدمة جميلة أوي من جوا، وعايزانا نتشهر والناس كلها تعرفنا'.
وأضافت: 'ياسمين عبد العزيز كانت دايما تديني نصايح إن أنا ألفت نظر الناس ليا رغم إنها هي اللي في المشهد. وعادت مشهد 7 مرات كانت بتمثل فيه حلو عشان أنا شعري كان مش مظبوط، طيب هي تعمل كده ليه؟ أنا حبيتها وهي بتحبنا وبتخاف علينا وجواها ثقة إنه عادي'.
وردا على سؤال عن أكثر الأشياء المغلوطة عن ياسمين عبد العزيز في السوشيال ميديا، قالت دنيا جمعة: 'أكبر حاجة مغلوطة عن ياسمين عبد العزيز في السوشيال ميديا إن معندهاش ثقة في نفسها لدرجة إنها بتعمل لجان، وإنها بتبوظ حياة ناس كتير. ياسمين عبد العزيز ست قوية جدا، ونجمة من وهي عندها 18 و 19 سنة، ومش محتاجة توقع حد لأنها فول أوبشن، كوميدي دراما استعراض وعملت كل حاجة'.
يذكر أن مسلسل 'وننسى اللي كان' بطولة ياسمين عبد العزيز، كريم فهمي، شيرين رضا، إنجي كيوان، خالد سرحان، محمد لطفي، إدوارد، ومنة فضالي، والعمل من تأليف عمرو محمود ياسين وإخراج محمد حمدي الخبيري.
