حكت الفنانة ميرنا وليد ذكريات من حفل زفافها وما حدث لفستان الزفاف جعلها تقوم بتقطيعه.

وقالت ميرنا وليد خلال لقائها في برنامج 'قعدة ستات': 'من وأنا صغيرة ماما كانت بتروح الكوافير وأنا كنت أروح معاها كانت بتعمل شعرها وأنا بقعد اتفرج على المجلات وفيها فساتين أفراح، كنت أدور وأقول فستاني هيبقى كده واختار الفستان، قعدت كده سنين لما جيت أتجوز حجزنا فندق وبعدها كلمونا اعتذروا أن الفندق هيبقى فيه تجديدات في الوقت دا، فقررنا نغير ميعاد الفرح وخليناه بدري'.

وتابعت ميرنا وليد: 'مكنش ساعتها في فستان فقالولي في واحدة بتعمل فساتين حلو في مصر الجديدة، جبت الجزء اللي فوق من برا وقلت تعملي هي باقي الفستان وشرحت ليها عايزاه إزاي، وتاني يوم استلم الفستان وفرحي بعدها بيوم، لقيته وحش أوي قلت لها وحش قالتلي معلش عشان الوقت وأنتي عايزة تستلميه رحت قطعته، أنا هلبس الفستان مرة واحدة ليه ألبس فستان مش حباه وفضلت قاعدة معاها عشان تعمل الفستان وتظبطه'.

وأكملت ميرنا وليد: 'في حاجات في الحياة مش هتتعوض، أنا مش رايحة حفله لو الفستان معجبنيش مش هروح، لكن دا فرحي، الناس فراحوا الفرح وأنا مجتش وفضلت قاعدة طول الليل عشان استلم الفستان'.

وأوضحت أنها بسبب تغيير ميعاد الفرح لم تتمكن من دعوة كل النجوم وحتى الآن لديها 'دعوات' حفل زفافها في منزلها لأنها لم ترسلها لهم.

يذكر أن آخر أعمال ميرنا وليد مسلسل 'قيد عائلي' وشارك في بطولته كل من عزت العلايلي، بوسي، ميرفت أمين، صلاح عبد الله، سيمون، وهالة فاخر، ونضال الشافعي، ومنة فضالي، ودينا فؤاد، ميرهان حسين، محمد نجاتي، سيناريو وحوار محمد رجاء وميشيل نبيل، وإخراج تامر حمزة، وإنتاج ريمون مقار ومحمد محمود عبد العزيز.