تحدث الفنانة آسر ياسين عن تجربة مهمة في مشواره الفني مسلسل 'بدون سابق إنذار' وقال إنه من أحب الأعمال لقلبه.

وحكى آسر ياسين خلال لقائه في برنامج 'صاحبة السعادة' مع إسعاد يونس: 'أنا بحب مسلسل 'بدون سابق إنذار' جدا لأنه أول عمل أعمله فيه حاجة ليها علاقة بالأبوة واضحة و'سليم' كان ممثل هايل لو مكنش قوي كممثل مكنش هيبقى فيه مسلسل'.

وتابع آسر ياسين: 'أنا كنت بتأثر جدا وآخر حلقة لما اتفرجت عليها كنت بعيط مع أن مش سهل أنك تتفاعل مع المشاهد اللي أنت صورتها، أنا صدقت المشاهد بتاعتي وبتاعة عائشة بن أحمد ومريم الخشت، لما دا وصلي خلاني أتفاعل وأحس بالموضوع ودا عبقرية هاني خليفة والكتابة أن أحنا نوصل لدا حتى لو أنا عارف اللي هيحصل، أنا لما بصور حاجة مش بتفرج خاصة لو مع مخرج كويس وأنا واثق فيه جدا '.

مسلسل 'بدون سابق إنذار' من بطولة النجم أسر ياسين وعائشة بن احمد و نهال عنبر وأحمد خالد صالح و جهاد حسام وعمر الشناوي وظهور خاص للنجمة بسمة، وهو من إخراج هاني خليفة، قصة ومعالجة درامية ألمى كفارنة فيما كتب الحلقات والسيناريو والحوار كل من عمار صبري و سمر طاهر و كريم الدليل، وعرض في رمضان 2024.

يذكر أن آسر ياسين شارك في موسم رمضان 2025 بمسلسل 'قلبي ومفتاحه' من بطولة آسر ياسين ومي عز الدين، دياب، أشرف عبد الباقي، أحمد خالد صالح، سماء إبراهيم، حازم سمير، عايدة رياض، تقى حسام، وعدد آخر من الفنانين، وهو من تأليف وإخراج تامر محسن، وإنتاج شركة media hub سعدي- جوهر.