لم يتمالك صالح عبد النبي دموعه وهو يحكي عن موقف صعب تعرض له من صديقه.

وخلال لقائه مع Gossips حكى صالح عبد النبي عن موقف صعب تعرض له أصيب بسببه بالاكتئاب لمدة عامين.

وقال صالح عبد النبي: 'من 12 سنة كان عندي صالون حلاقة وكان حد صاحبي جدا وكانت حالته صعبة شوية وكان عايز ياخد قرض من البنك وعايز ضمان وعايز حد يضمنه وأنا معرفتش أضمنه غير إني اكتب له المحل باسمه إن هو اشتراه مني بورق شرعي عملت له الورق وخلاص المحل بتاعه بعدها بيومين لقيت واحدة ست بتدخل المحل بتقولي إنت بتعمل إيه دا المحل بتاعي، كانت صدمة ليا قعدت سنتين مكتئب ولغاية دلوقتي المحل دا جنب بيت أهلي ولما بروح لازم بشوفه'.

وتابع صالح عبد النبي: 'قعدت سنتين مش باكل ولا بشرب ولا بروح الجيم ومش بكلم حد وبعدين قلت مش هزعل تاني في حياتي، قررت أسيب لبنان وسافرت دبي قعدت سنتين تقريبا بعدين قلت عايز أرجع مصر وأخد ورش تمثيل واشتغل على نفسي أكتر وحجزت أول ورشة وأنا في دبي'.

واختتم صالح عبد النبي كلامه: 'أنا دايما بقول كتر الصحاب حواليك مش حلوة لأنك مش هتعرف تختار غير لما يبقوا قليلين'.

وشارك صالح عبد النبي في رمضان 2025 في الجزء الثالث من مسلسل 'كامل العدد'.

مسلسل 'كامل العدد ++' بطولة دينا الشربيني، شريف سلامة، مريم الخشت، أحمد كمال، أحمد جمال سعيد، تميم عبده ، ، جاسيكا حسام الدين ، مالك عماد ، حمزة دياب ، يوسف عمر ، يوسف جبريل ، لينا صوفيا، سيليا والفنانة القديرة إسعاد يونس ، و غيرهم كثير من النجوم ، المسلسل من تأليف يسر طاهر، رنا أبو الريش ومن إخراج خالد الحلفاوي.