احتفلت الممثلة الشابة ملك أحمد زاهر بعيد ميلاد والدها ووجهت له رسالة خاصة.

نشرت ملك أحمد زاهر فيديو لها مع والدها من عقد قران شقيقتها ليلى وكتبت رسالة له، قالت فيها: 'كل سنة وإنت الحب الأول والأخير'.

وتابعت ملك أحمد زاهر: 'كل سنة وإنت مخليني مش قادرة أحب ولا أختار حد بسهولة، عشان أنا مصرة إن يوم ما حد يدخل حياتي، يبقى نسخة منك.. وإنت مفيش زيك أصلا، كل سنة وإنت أحلى، وأحن، وأعظم أب شافته عيني. انا اسعد بنت و اكتر بنت فخورة أنك أبوها'.

وأكملت ملك أحمد زاهر: 'كل سنة وإنت صاحبي اللي بحكيله كل حاجة من غير خوف، وحبيبي اللي عمري ما هلاقي زيه، كل سنة وإنت أغلى وأهم نعمة في حياتنا، ربنا يحفظك لينا ويطول في عمرك يا أحلى وأحن وأجمل زيزو في الدنيا، بحبك قد الدنيا وما فيها'.

يذكر أن ملك أحمد زاهر شاركت في رمضان 2025 بمسلسل 'سيد الناس' مع والدها أحمد زاهر.

وردت ملك أحمد زاهر على انتقادات الجمهور وقالت: 'أنا مليش في التعليقات السلبية بعديها أغلب الوقت، وأنا بشوف أن قصة من وحي خيال المؤلف بلاش نقول أنه واقع ما بتتفرجوش على حاجات خيال علمي مش حقيقية؟'.

وتابعت ملك أحمد زاهر: 'نفترض أنه مش حقيقي مع أن لأ إحنا نزلنا وشوفنا ناس بتتكلم كده وناس حياتها كده اللي عاجبه يتفرج واللي مش عاجبه في 6 مليون مسلسل تاني في رمضان، ومع ذلك إحنا من أنجح مسلسلات في رمضان الحمد لله والفضل دا يرجع لربنا ثم أستاذ محمد سامي طبعا'.

مسلسل 'سيد الناس' بطولة عمرو سعد، خالد الصاوي، إلهام شاهين، أحمد زاهر، أحمد رزق، بشرى، منة فضالي، أحمد فهيم، رنا رئيس، نشوى مصطفى، وآخرين، تأليف وإخراج محمد سامي.