غنت المطربة رحمة رياض تتر مسلسل 'حكاية نرجس' الذي يعرض في النصف الثاني من رمضان 2026 من بطولة ريهام عبد الغفور.

أغنية 'تستنوا إيه' من كلمات نادر عبد الله، ألحان عزيز الشافعي، توزيع موسيقي أحمد عادل.

وجاءت كلمات الأغنية

أنا مش بريئة وعارفة إن أنا مذنبة

بس أنتوا برضو كمان ما كنتوش أسوياء

موتوا فيا زمن الحتة الطيبة

ومن البجاحة كمان بتعملوا أبرياء

تستنوا إيه من حد عشتوا طول حياتكم بتوجعوه؟

من حد كل ما يلقى نفسه تضيعوه

وبتجبروه ويغلط وبعدين تلعنوه؟

يرجع يتوه.. بتمنعوه من التوبة ليه؟

تستنوا إيه من حد جرحه ولا دمه ما همكوش؟

فوق طاقته شال الهم بس ما كفاكوش

وما سبتوهوش يرتاح وليه ما رحمتهوش؟

ولا سبتوا رحمة ربنا تنزل عليه

مخنوقة ده أنا بشحت كمان نفس الهوا

متكتفة وعايشة بين الموت والحياة

حرماني كان زي العيال اللي مالوش دوا

فأنا خدت وتعودت على كتر العيا

مسلسل 'حكاية نرجس' يشارك في بطولته ريهام عبد الغفور وحمزة العيلي وسماح أنور وأحمد عزمي ودنيا سامي، ويتكون العمل من 15 حلقة، وينتمي لنوعية الدراما الاجتماعية، من تأليف عمار صبري، وإخراج سامح علاء