يارا السكري: "روح" في "علي كلاي" بتشبهني وهكون أسعد واحدة لو مثلت مع أحمد العوضي تاني

تحدثت الفنانة يارا السكري عن دور 'روح' الذي تقدمه في مسلسل 'علي كلاي' وقالت إن هذه الشخصية تشبهها كثيرا.

وأوضحت يارا السكري في لقائها مع ET بالعربي: 'شخصية 'روح' بتشبهي وفيها كتير مني هي بتحب الأطفال وأنا كمان وبتحب أهلها وبتدافع عن اللي بتحبهم ودي حاجة موجودة فيا في حاجات كتير هي متسامحة وأنا كمان بسامح اللي بحبهم'.

وعبرت يارا الكسري عن سعادتها بتكرار تعاونها مع أحمد العوضي موضحة أن الدور هذا العام كان تحديا بالنسبة لها: 'كنت مبسوطة جدا إني بطلة قدام أحمد العوضي دي تاني سنة ليا في التمثيل والدراما قفزة حلوة جدا تحمسني وتخليني عندي دافع إني اشتغل أكتر، هو شيء مقلق لأنها مسئولية كبيرة لكن هما مش هيعملوا كده على حساب نفسهم أكيد ليهم نظرة، إحنا اشتغلنا كلنا على الدور وعملنا بروفات كتير وهما حسوا إني قد المسئولية وأنا بحب التحدي'.

وعن قصة الحب التي تجمعها بأحمد العوضي خلال أحداث المسلسل والشائعات التي تربط بينهما قالت يارا السكري: 'أنا زي الجمهور لما بشوف اتنين حلوين وعاملين ديو مع بعض في الشاشة بحبهم يكونوا كده في الحقيقة، أتمنى أعيش الحالة دي في الحقيقة أعيش قصة حب زي اللي في المسلسل، ومش بتضايق من الإشاعات'.

وعن رغبة أحمد العوضي في تكرار التعاون معها قالت يارا السكري: 'هبقى مبسوطة وهكون أسعد واحدة لو مثلت مع أحمد العوضي تاني بحس براحة معاه ومش ببقى خايفة ولا قلقانة هكون مبسوطة جدا'.

ويشارك فى بطولة مسلسل 'علي كلاي' إلى جانب أحمد العوضي كل من درة، يارا السكري، محمود البزاوي، انتصار، عصام السقا، محمد ثروت، طارق الدسوقي، سارة بركة، ريم سامي، ضياء عبد الخالق، رحمة محسن، عمر رزيق، وغيرهم من الفنانين.

بيتر ميمي يرد على كابتن إيلا بعد تعليقها على مسلسل 'صحاب الأرض'