كشفت الفنانة ريهام عبد الغفور أنها لم تخضع لأي عمليات تجميل، فقط جربت حقن البوتوكس في وجهها.

وقالت ريهام عبد الغفور خلال لقائها في برنامج 'صاحبة السعادة' عن التعليقات المتنمرة التي تعرضت لها وحديث البعض عن تغيير شكلها وظهور تجاعيد في وجهها: 'هبقى بكذب لو قلت أنها مأثرتش بأي شكل دا كلام بيضايق أنا مش مهتمة بالشكل بس لما حد يفضل يقولك ابتديت أركز أكتر وأقول إيه دا حصل أمتى الكلام دا'.

وتابعت ريهام عبد الغفور: 'أنا معملتش تجميل أنا أجبن من إني أعمل دا مش لأني ضد التجميل اللي عايز يعمل حاجة يعملها ويرتاح فيها بس أنا جبانة جدا لما بيحطولي كانيولا لما بتعب بقعد أصوت أنا خوافه أوي، أنا مكنتش بشوف التجاعيد لغاية لما الناس كتبتلي، عملت مرتين أو تلاتة بوتوكس وكل مرة بعمله بتحول لمجنونة وأفضل أبص في المراية وأحاول أحرك وشي وأخاف معرفش اشتغل بعد الحملة دي قلت مش هعمل أي حاجة'.

يذكر أن ريهام عبد الغفور عرض لها مؤخرا مسلسل 'كتالوج'.

وتدور أحداث مسلسل 'كتالوج' في إطار اجتماعي تراجيدي حول 'يوسف' محمد فراج، الذي يجد نفسه فجأة مسئولا عن طفل وطفلة بعد وفاة زوجته 'أمينة' ريهام عبد الغفور متأثرة بإصابتها بمرض السرطان، ويواجه صعوبات شديدة في التعرف على حياة الطفلين وتفاصيلها وكيفية التعامل معها.

مسلسل 'كتالوج' بطولة: ريهام عبد الغفور، ومحمد فراج، ووسماح أنور، وتارا عماد، وخالد كمال، وبيومي فؤاد، والطفل علي البيلي، وريتال عبد العزيز، تأليف أيمن وتار، وإخراج وليد الحلفاوي.