فوجيء متابعو المهرجانات العربية بحضور النجمة زينة على السجادة الحمراء، بوجودها في حفل افتتاح مهرجان البحر الأحمر السينمائي في دورته الرابعة، رغم أنها لن تحصل على أي تكريم هذه الدورة.

وجاءت المفاجأة بحضور زينة تحديدا عن باقي النجمات، خاصة أنها لا تظهر في أي مهرجان في المنطقة العربية أو مصر، وعلقت من قبل على هذا قائلة: 'مبحبش ابقا موجودة عشان ابقا فستان معدي على السجادة الحمرا، بحب يبقا لي وجود سواء أستلم جايزة أو هسلم حد من زمايلي جايزة أو أكون لجنة تحكيم.. أنا ليا قيمة أنا مش فستان، أنا عمري ما روحت مهرجان غير يا واخدة جايزة يا بقدم جايزة لحد يا لجنة تحكيم.. لازم يبقا ف سبب للتواجد متربتش على كده في الشغلانة'.

وأضافت: في نجوم بينزلوا المهرجانات زي إلهام شاهين وليلى علوي دول اسمهم بيسند المهرجان، دول بيدوا المهرجان من تاريخهم، أنا أكيد معندش اسم زيهم عشان اسمي يسند المهرجان فمبروحش.

وعادت بعدها بفترة لتوضح تصريحها قائلة: 'أنا كنت أقصد من العبارة دي، أن لازم يبقي فيه سبب للتواجد أو أبقى مشاركة بفيلم، أو أكون عضو لجنة تحكيم، أنا شبعانة مهرجانات وشاركت في مهرجانات فينيسيا وكان ولفيت العالم كله، وعملت فيلم واحد صفر شارك في أكثر من 500 مهرجان، فلابد أن يكون هناك صفة للتواجد'.

ورغم كل ذلك، تواجدت على السجادة الحمراء لمهرجان البحر الأحمر السينمائي دون أي سبب من الأسباب التي أوضحتها من قبل، فهل غيرت رأيها؟