ردت الفنانة إنجي المقدم على الانتقادات التي وجهت لها بسبب تغيير شكلها في مسلسل 'وتر حساس'.

وقالت إنجي المقدم خلال لقائها في برنامج 'أسرار النجوم': 'أنا من 2013 تقريبا حقنت شفايفي أنا معنديش شفايف خالص فأنا بعمل شفايفي وأنا مش ضد عمليات التجميل، لكن دي مش عمليات تجميل هي شيء معين بيتعمل مش عملية، الست مهم أوي أنها تحس أنها حلوة ومرتاحة وواثقة من نفسها فبتعمل حاجات بسيطة ترفع معنوياتها وتحسسها أن شكلها أحلى'.

وتابعت إنجي المقدم: 'أنا ضد التغيير التام لنفسي لأن خلقة ربنا مفيش أحسن منها، كنت ممكن أعمل بوتكس كنت ممكن أعمل فيلر في حاجات معينة تحت العين الحاجات دي جربتها ولكن محبتهاش، وقفت كل الحاجات دي بقالي 3 أو 4 سنين مش بعمل بوتكس ولا فيلر بعمل حاجة اسمها 'بوتسرز''.

وأكملت إنجي المقدم: 'اللي بيقول إني عملت عمليات تجميل، أنا حقنت قبل كده بوتكس وفيلر ووقفتها واشتغلت على الحاجات الطبيعية عشان أقدر أعبر بوشي، يمكن في مشاهد معينة بسبب الإضاءة طلع شفايفي شوية زيادة ودي الحقيقة'.

مسلسل 'وتر حساس'يعرض عبر قناة 'ON' في تمام الساعة السابعة والنصف مساء، وهو من بطولة صبا مبارك ومحمد علاء وإنجي المقدم وهيدي كرم وأحمد جمال سعيد ومحمد العمروسي وهاجر عفيفي ولطيفة فهمي وتميم عبده وأحمد طارق نور ومحمد علي رزق، وهو من تأليف أمين جمال وإخراج وائل فرج.