لم تتمالك الإعلامية مفيدة شيحة دموعها أثناء حديثها عن والدتها الراحلة.

وبكت مفيدة شيحة وهي تحكي عن علاقتها بوالدتها خلال لقائها في برنامج 'صبايا الخير' مع ريهام سعيد وقالت: 'أمي كانت صاحبتي أنا كنت حريصة إني أنزل أفطر معاها وأشوفها وحتى وهي تعبانة أقعد معاها، الزعل أنها هتوحشني أنا مؤمنة وكل حاجة بس هي هتوحشني'.

وتابعت مفيدة شيحة: 'لما بروح أزورها بقعد أتكلم معاها وأضحك وأحكيلها على كل حاجة عشان أنا مؤمنة أن هي سمعانا وحاسه بينا، بروح أزورها واقرأ قرآن وكل حاجة بس بروح اتكلم عشان أنا محتاجة دا'.

وأضافت مفيدة شيحة: ' لما الأم بتروح بيبقى في شعور بعدم الأمان، أنا كنت دايما بسمع أن اللي من غير أم حاله يغم، بزور أمي كل سبوع أو أسبوعين ومش بعيط وبقول هي موجودة تحت وأنا بكلمها'.

وحكت مفيدة شيحة أنها لم تصدق وفاة والدتها إلا بعد مرور فترة من الوقت وأنها الآن تهتم بعملها وزواج ابنتها لكنها ليست في أفضل حال قائلة: 'بعد أسبوعين من وفاة أمي أدركت أنها مش موجودة وأنها بدأت توحشني، كرسيها مش موجود وأوضتها، أنا معملتش مع أختي أي شيء متعلق بنقل متعلقات أمي مشفتش حتى الحاجة وهي بتتنقل، أنا كنت مؤمنة أن هي مصدر قوتي فحسيت لو اعترفت أنها راحت راح مصدر قوتي، فقد الأم شيء قاتل الأرض لعبت من تحتيا'.

وتوفيت والدة مفيدة شيحة في 9 نوفمبر.