كشفت الفنانة إيمي طلعت زكريا عن أنها لجأت هي وشقيقها عمر إلى نجم شهير لمساعدتهما على سداد ديون والدها الراحل للضرائب بعد وفاته، لكنهما تلقيا ردا صادما.

وقالت إيمي طلعت زكريا خلال حوارها مع الفنانة مروة عبد المنعم في برنامج 'وصفة مروة' عبر قناة الشمس: 'محدش وقف جنبنا من الناحية المادية بعد وفاة بابا. بابا الحمد لله سايب لنا اللي يكفينا زي أي أب، لكن الناس عندها فكرة إن الممثل معاه فلوس كتير، بس طبعا بابا علشان فترة المرض اللي مر بيها كان في صرف وشوية مشاكل في الضرايب'.

وأضافت إيمي طلعت زكريا: 'بعد ما توفى علطول كان في مبلغ عليه في الضرايب حوالي 100 ألف جنيه، وقلت لعمر يكلم نجم كبير وشهير كان صاحب عمر بابا واشتغل معاه كتير، والنجم قال لعمر والله أنا عليا ديون، ورد فعله كان صادم'.

وتابعت: 'إحنا مكناش عايزين ناخد منه شفقة، إحنا عايزين بس نسد الدين للضرايب، عشان المتوفى مش بيتحاسب تقريبا لغاية الدين ما يتسدد'.

وروت إيمي طلعت زكريا كيف تم تسديد ذلك المبلغ قائلة: 'شهادة حق أشهدها أحمد فهمي هو اللي دفعهم ومقالش، وعرفنا بعد كده ومرضيش ياخدهم، وأحمد بجد من الناس الطيبة وأثبت ولاؤه وحبه لبابا'.

أوضحت إيمي طلعت زكريا أن والدها الفنان الراحل طلعت زكريا لم يكن من الحريصين على جمع المال قائلة: 'كان مبذر جدا، ومن مدرسة اصرف وانبسط واتفسح'.