كشفت الفنانة ريم مصطفى تفاصيل مرورها بتجربة عاطفية 'توكسيك' (غير صحية)، وكيف تمكنت من الخروج منها.

وقالت ريم مصطفى خلال حوارها مع الإعلامية منى الشاذلي في برانامج 'معكم' المذاع عبر قناة ON: 'أنا ممكن أعمل كتاب في العلاقة التوكسيك، مريت بعلاقة توكسيك بس مش أبو ولادي، والمشكلة إنها أخدت سنين'.

أوضحت ريم مصطفى كيف اكتشفت أنها في علاقة غير صحية قائلة: 'لما تلاقي نفسك في علاقة غير صحية مع شخص نرجسي، وتلاقي نفسك قاعدة فيها وقت طويل جدا، وإنت عارفة إنها غير صحية'.

وأضافت: 'دايما هتلاقي معندوش ثقة في نفسه ويجيبها فيكي، وطول الوقت يتهمك اتهامات مش إنت، وطول الوقت عايزة تبرري نفسك'.

وعن الطريقة التي خرجت بها من تلك العلاقة، قالت: 'أنا الحمد لله تحقيق نفسي وشغلي أول حاجة، لو مكانش عندي الجزئية دي يمكن مكنتش عرفت أخرج'.

وأشارت ريم مصطفى إلى أنها تتجنب هذا النوع من العلاقات قائلة: 'أنا مش عايزة أخش تجارب فاشلة أو مؤقتة، الحمد لله محققة لنفسي حياة تخليني عايشة مرتاحة، يا إما حد يضيف سعادة يا إما خليك في بيتك يا بابا وسيبني في بيتي، مش عايزة حد بمشاكله لإني مش دكتور نفساني'.

يذكر أن ريم مصطفى عرض لها في شهر رمضان الماضي مسلسل 'سيد الناس'.

مسلسل 'سيد الناس' من بطولة: عمرو سعد، إلهام شاهين، ريم مصطفى، أحمد زاهر، أحمد رزق، إنجي المقدم، منة فضالي، خالد الصاوى، نشوى مصطفى، سلوى عثمان، رنا رئيس، بشرى، ياسين السقا، ملك أحمد زاهر، سليمان عيد، محمود قابيل، علياء صبحي، يوسف رأفت، جوري بكر، إنجي كيوان، ساندي علي، دعاء حكم، إسماعيل فرغلي، مدحت تيخا، محمد عبد الجواد، ومن تأليف وإخراج محمد سامي.