طرحت هيفاء وهبي الجزء الثاني من ألبوم 'ميجا هيفا' ويضم الألبوم 6 أغنيات جديدة، وهي: 'غلّطني في إحساسي'، و'بس بس'، و'بتحبّك فعلاً'، و'أزمة نفسيّة'، و'مراية الحبّ'، و'بدّنا نروق'.

مع نخبة من صنّاع الموسيقى عربياً، وهم: سليمان دميان، جمال ياسين، عزيز الشافعي، تميم، ديك بيتهام، تامر حسين، اسلام زكي، أحمد الموجي، عمر المصري، سامر أبو طالب، عمر الخضري، أحمد المالكي، أمين نبيل، رامي شلهوب، نادر عبدالله، ومدين.

وحملت أغنية 'بتحبك فعلا' توقيع عزيز الشافعي في الكلمات والألحان:

مِتْعَلَّق زيّ الجاكيت عَالشَمّاعة

زيّ سيجارة وهي اللي في ايدها الوَلّاعة

بتِحرَق فيك وتطفيك

تاخُد نَفَسَك تُخنُق فيك

مِتشَعلَق قال في حبال دايبة

قال بِتحِبَك

بِتحِبَّك فعلاً؟ ولا بتتسلّى على قلبَك؟

تِبعَد عنَك وتبَكيك

تاخُد مِنَك ولا تِدّيك

ساكنة قلبَك تمليك ماليك هواها

وَاخْدَاك في سِكَة ساحلاك

حابساك في مَتاهة

جُوَّا قلبَك غرام

جُوَّاها بس انتقام

مش مُمكِن تِتقَدِّم خطوة

طول ما انتَ معاها

مِتْبَرْمَج مش مُمكِن هَتبُص لغيرها

مُش فاهِم إِنَك مش شاغِل تَفكيرها

واخداك لِعبة وبتلعَب بيها

حالتك صِعبة مَخدوع فيها

لو عاجبَك حالَك

انا مالي ومالَك؟

انا بس بقول لَك

يمكن مش واخِد بالَك

نِهايتَك باينة... ازاي مش شايف؟

من ايه خايف؟

ليه مسلِّم نفسَك؟

لأ مش لايقالَك

قال بِتحِبَّك