رد الفنان أحمد فهمي على سؤال حول إمكانية زواجه مرة أخرى، بعد فشل زيجاته الـ3 السابقة.

وخلال لقائه مع برنامج ET بالعربي، أجاب أحمد فهمي على سؤال هل يتزوج مجددا قائلا: 'في الأمور اللي زي دي أي حد هيرد بأه أو لأ هيبقى كذاب في الآخر كلنا بندور دايما على الاستقرار وبندور أنك تلاقي شريكك الحقيقي اللي يعرف يكمل معاك، هي كلها محاولات إن شاء الله تظبط في مرة، أتمنى'.

وتحدث أحمد فهمي عن علاقته بمواقع التواصل الاجتماعي خاصة فيما يتعلق بالحياة الشخصية وقال: 'زمان أول ما دخلت على السوشيال ميديا كان يوم زفت كنت برد ومش فاهم وحد يكتب حاجة أدخل اشتم وأقول اللي أنا عايزه، وبعدين لقيت الموضوع مش بيخلص دلوقتي بقيت شاري دماغي قول اللي أنت عايزة في الآخر أنا بعمل شغلي وحياتي الشخصية دي بتاعتي، أي حوارات شخصية لو طرحتها على السوشيال ميديا وبدأت تتكلم هتبقى أنت مش نجم ومعندكش ثقة في نفسك وبتدور على التريند من خلال شخص تاني غيرك'.

ويعرض لأحمد فهمي في السينمات أحدث أفلامه 'أحمد وأحمد'.

وتدور أحداث الفيلم حول 'أحمد'، أحمد فهمي، الذي يعود إلى مصر للاستقرار بعد سنوات من الغربة، ولكن سريعًا تتعطل خططه حينما يُصاب عمه 'أحمد'، أحمد السقا، في حادث غامض ويفقد الذاكرة، ويكتشف سر عمه الصادم بزعامته لإمبراطورية إجرامية خطيرة.

فيلم 'أحمد وأحمد' من تأليف أحمد درويش ومحمد عبد الله سامي، وإخراج أحمد نادر جلال، وبطولة أحمد السقا وأحمد فهمي وجيهان الشماشرجي، حاتم صلاح، علي صبحي، سامي مغاوري مع ظهور عدد من ضيوف الشرف منهم غادة عبد الرازق وطارق لطفي وأحمد عبد الوهاب.