تحدثت الفنانة دينا عن الاستعانة براقصة بديلة لترقص بدلا من مي عمر في مسلسل 'إش إش'.

وقالت دينا في تسجيل صوتي مع ET بالعربي: 'بالنسبة أن في بديلة بترقص هي راقصة محترفة اللي قامت بالرقص ومحمد سامي من أشطر المخرجين عرف يعملها ولا هي باينه خالص ودي شطارة، وشطارة مي أن هي بدل ما ترقص 50% وهي عقبال ما توصل لـ100% محتاجة تمرين طويل هي اختارت أن هي تمثل بوشها بس حد تاني بيكون بيرقص بجسمه ودي مجازفة جريئة من مي بحييها عليها ولأنها في إيدين محمد سامي هو مش هيطلع حاجة وحشه'.

وعن تقديم مي عمر لدور راقصة قالت دينا: 'مي دور راقصة من الدرجة التالتة يعني راقصة من اللي بيرقصوا في أفراح الشوارع وهي لا تمثل كل فئات الراقصات هي واخدة نوع واحد، أغلبهم فعلا بيبقوا حسب العيلة لو العيلة كلها بترقص بيبقى فيهم بنات مش عايزة ترقص بس بترقص عشان تصرف على أهلها ودي حاجة موجودة في الواقع دورها حلو جدا'.

ويعرض مسلسل 'إش إش' في تمام الساعة 10 مساء عبر قناة MBC مصر، والإعادة الساعة 3 عصرا، إلى جانب عرضه عبر منصة شاهد.

قصة مسلسل 'إش إش'

تدور أحداث مسلسل 'إش إش' حول فتاة ترث من والدتها الجمال والفقر تُدعى 'إش إش'، وتجد نفسها مضطرة أن تعمل كراقصة، وتدخل إلى عائلة الجريتلي عن طريق الصدفة، لتكتشف أن ما تمر به ما هو إلا امتداد لأسرار مدفونة داخل هذه العائلة.

أبطال مسلسل 'إش إش'

مسلسل 'إش إش' من بطولة مي عمر، ماجد المصري، انتصار، إدوارد، هالة صدقي، دينا، شيماء سيف، طارق النهري، عصام السقا، علاء مرسي، محمد الشرنوبي، ندى موسى، إيهاب فهمي، حمدي هيكل، أحمد عبدالله، وعدد من ضيوف الشرف وهم: محمد ممدوح، خالد الصاوي، كريم فهمي، محمد عبدالرحمن، أحمد زاهر، والعمل من تأليف وإخراج محمد سامي.