مدينة الأبيض التي جاء اسمها من ( الحمار اللبيض ) حسب ما حكاها لي عمنا المرحوم موسي بوش بالكافير وهو مشهور بإطلاق الالقاب لكل اولاد وبنات الحلة ؟ وكان لقبي ( أزرق كريم غرد في سنونو اظليم البنات وهو ذكر النعام ورقصة النقارة جايه من رقصةالاظليم للنعامةالربداء) .دخلت مدينة الأبيض وأنا صغير وتلميذ بمدرسة كرتالا الابتدائية ١٩٧٧ عبر لوري السائق عمنا/ جمعة ادم ساكن سوق ود عكيفة وهو من أهالي كجمر وصديق ومرحل بضاعة تجار الجبال الستة و

مرحل العرسان في شهر خمسة شرح الفرح من كل عام شهر نزول ناس المدن الي البلد .؟؟ ونزلت عند جدي خليفة الجزار بالربع التاني ووجدته رسومات جميلة لجدي وهو علي عربة ( الجب الخضراء اللون) قال رسمها له زول اسمه لو لم تخني الذاكره ( عيون كديس رسام جنس رسم ). ثم انتقلت إلى خلتي أمونة نورين وكان للأبيض طعم ورائحه خاصتاً رائحة الجروبي ممزوجة باللبن (المقنن المحروق ) والبساطة والكستر باللبن ورائحه البنزين في فصل الخريف ممنبعث من موقف التاكسي ذات اللون الأزرق بالأبيض الجميل وهناك رأينا القطارات وناس سمحين جنس سماح ما ذي أهلنا في البلد جمال فايت الحد.؟؟ قربوا يمسخوا علينا بنات البلد لو لا شويه الإيمان في قلوبنا لكفرنا بذاك الجمال البدوي المعربد الاغبش الطبيعي ؟؟ عموما للابيض في نفسي محبه خاصة اخر أولادي مولودين بمستشفي الأبيض. ؟؟ ليس من طبعي تشكير ناس الأمن عندي معهم حساسيه منذ ما كنت طالب في المرحلة المتوسطة زمن الرئيس الراحل/جعفر نميري وقبل الانتفاضة بأيام كشوني ناس الأمن بدون أي سبب من قدم شارع دار حزب الأمة بالهشماب و ودوني مكاتبهم جمب الكهرباء وقبل ما ندخل لقيت واحد من اولاد حلتنا خارجني منهم بكرامة بليله .؟؟ قول واحد. ؟ تاني مره زمن الوالي ادم الفكي قلت له رجعك شنو من المؤتمر الشعبي وكلام كتير الظاهر واتشكنا معه شكله شديده.؟؟ و هنا قام استقله سلطات الوالي قام حرش فيني بتاع الأمن بكادقلي مشي ختاني في الإستقبال ساعات بعد داك دخلني لكن وريتو الطفي النور منو..؟؟ قالي يازول اتخارج قام فكاني هههه حتي سعادة الفريق/إبراهيم مفضل عندما كان والياً لجنوب كردفان لم ازره ولا مره حتي غادر جنوب كردفان. ؟ اليوم اكون صادق معكم طبعا اكيد هناك ملائكه من رجال الأمن تعرفونهم أنتم وبعضهم أصدقائي وزملاء دارسه ( حتي العميد المتمرد/ صلاح حمدان خميس والذي توفي بسجن سركاب متاثراً بحمي الضنك حسب ماورد مؤخراً هو زميل دراسة بوادي سيدنا ) وعندي زملاء عمل لكن برضوا مش ولا بد في حبهم .هههه سبحان الله بس هذا اليوم جاتني خاطره قلت اقدم صوت شكر لهم عبر شخص عاصرتة بولاية شمال كردفان عندما كنت مقرراً للجنة الإعلام بالمقاومة الشعبية بشمال كردفان وبينما أنا في خواطري إذ بأخبار الصحف تنقل لي بأن شمال كردفان تودع اللواء/ العوض محمد العوض وتستقبل بديله العميد/صهيب عبادي فقلت في نفسي يا شمال كردفان (عليكي العوض ) رغم أن حواء السودان ولادة. ؟؟ هذا اللواء سعادة العوض يجمع ما بين التواضع والكرم والهمة والشجاعة والفراسة والوطنية والاقدام والصدام في ميدان الوغي وحبته جماهير كردفان لو لا العوض وشبابه ورجاله من الأمن والاستخبارات ؟ كانت الأبيض في خبر كانه رغم قلة عتاده في تلك الفترة. كان يهاجم مليشيا الجنجويد في عقر دارهم شرق الأبيض واحياناً يخترقهم حتي يصل الدويم وكوستي وهاجمهم في غرب الأبيض وجنوبنها وشارع البوبلاين وبارا وما حولها حتي جريجخ وام قرفه وزج برجاله في الصياد ومنهم الشهداء جاري ( الاستاذ بالمرحلةالثانوية/ احمد حميدة محمد حميدة ) مؤذن مسجد بتول ابو سنينة بحي امتداد عرفات وخالص الدعوات للجرحي بعاجل الشفاء وللمفودين والاسري بأن يجمع شملهم . وفي داخل المدينة حسم الطابور الخامس ويوم بعد يوم كنا نري مدينة الأبيض تحتفل بانتصاراتهم وكان تميزهم ( بفنائلهم السوداء دابي الليل ذات السم القاتل) أخي سعادة اللواء/ العوض محمد العوض كردفان عموما زرفت الدموع لوداعكم تقديراً وعرفاناً لخدمتكم لها وهذا واجبكم وواجبنا نحن في كردفان أن نسند قواتنا المسلحة وعبر سعادة الوالي/عبدالخالق عبدالطيف وداعة الله والي شمال كردفان نشكر لجنة أمن ولاية شمال كردفان وكل قواتنا بتشكيلاتها المختلفة دفاعاً عن كردفان والسودان حتي آخر نقطة في دارفور .عموماً حاسي بأنني غلبني أعبر تجاهكم كما ينبغي. (غلب الكلام أبوكلام) يا سعادة العوض. ؟؟ حياك الله ورعاك في حلك وترحالك في دنياك وآخرتك مع جزيل شكرنا وتقديرنا لكم جمعياً رجال الأمن ورجال الجيش والمشتركة وكل قواتنا المقاتلة في الميدان من أجل الكرامة الوطنية ضد مليشيا الجنجويد والحركة الشعبية الثنائي الغاشم المتمرد. ؟!

المك/داؤد أبوكلام داؤد

مدير مركز عيون التلال الاعلامي السبت الموافق ٢٧ ديسمبر ٢٠٢٥.