أكدت النجمة مي عمر حرصها على تحقيق أعمالها النجاح الجماهيري، دون الإخلال بجودة العمل الفني.

وقالت مي عمر خلال جلستها الحوارية، ضمن فعاليات الدورة الخامسة من مهرجان البحر الأحمر السينمائي الدولي: 'ليه عندنا دايما لازم نفصل، لازم حاطينك في خانة إنك لو نجحت جماهيريا تختار سكتين، إما تعمل عمل فني بحت وتاخد جوايز النقاد، بس الجمهور مش هيشوفك أوي، أو تعمل عمل ينجح جماهيريا، بس إحنا كنقاد مش هنقول عليك إنك عملت عمل فني'.

وأضافت مي عمر: 'أنا ينفع أعمل عمل فني وجماهيري، الجمهور بيفهم جدا وبيختار جدا، وهتلاقي الجمهور لما بينجح عمل مش من أول حلقة في رمضان بيقول أنا اخترت ده. بيتفرج على الحلقة الأولى والتالتة والخامسة، ودايما يختار بعد أول أسبوع ويكمل'.

وتابعت: 'صعب جدا تعمل عمل جماهيري وتوصل للجمهور، إزاي أعمل عمل وأوصل للجمهور وإنت كناقد تقول اختاري بين حاجتين'.

واختتمت مي عمر حديثها قائلة: 'أنا لو هختار بين حاجتين هختار الجمهور، أنا الجمهور بالنسبالي أهم من أي حاجة'.

يُكرم مهرجان البحر الأحمر السينمائي هذا العام صفوة من الممثلين وصناع الأفلام المميزين من الممثلة والمخرجة الفرنسية الحائزة على جائزة الأوسكار جولييت بينوش والمشاركة في المهرجان (بفيلم في ـ آي: في الحركة)، والمخرج والمنتج الفرنسي الجزائري المرشح لثلاث جوائز أوسكار رشيد بوشارب (أيام المجد)، والممثل الإنجليزي السير مايكل كين الفائز بجائزتي أوسكار (فارس الظلام)، والمخرج والمنتج ومنسق المشاهد الخطرة من هونغ كونغ ستانلي تونغ (بفيلم أسطورة)؛ والممثلة الأمريكية سيغورني ويفر (إلين)، ويقام المهرجان في مدينة جدة في الفترة من 4 إلى 13 ديسمبر 2025.

الجدير بالذكر أن مهرجان البحر الأحمر السينمائي الدولي قدّم خلال دوراته السابقة أكثر من 520 فيلمًا من مختلف أنحاء العالم، جامعًا بين أبرز الأصوات السينمائية الواعدة والأسماء العالمية المرموقة. وقد أسهم المهرجان، عبر برامجه المتنوعة ومبادراته الداعمة للمواهب، في تعزيز الحراك السينمائي في المملكة والمنطقة، وترسيخ مكانة جدة كحاضنة لإبداعات السينما ومركزٍ عالمي لصناعة الأفلام ورواية القصص.

لو فاتك: فن ولا فنكوش - 16 سؤال كل واحد هيجاوب لوحده ... عرفت كام سؤال منهم؟