تحدثت الفنانة ليلى أحمد زاهر عن حكاية 'هند' التي تقدمها ضمن مسلسل 'ما تراه ليس كما يبدو' والتي بدأ عرضها.

ووصفت ليلى أحمد زاهر شخصية 'هند' التي تقدمها بأنها مرهقة نفسيا.

وقالت ليلى أحمد زاهر في لقاء مع ET بالعربي: 'أنا محتاجة دكتور نفسي بعد 'هند'، شخصية 'هند' صعبة وأثرت عليا أوي واكتئبت شوية مكنتش أنا مكنتش بضحك ومبسوطة، دخلت جوا 'هند' أوي عشان هي مشاعرها تقيلة أوي أوي فاتسحلت معاها شوية، أتمنى أني أكون قدرت أوصل إحساس هند عبد الله مؤلفة المسلسل عشان دي قصتها ويارب يعجب الناس'.

حكاية 'هند' من مسلسل 'ما تراه ليس كما يبدو' من بطولة ليلى زاهر وحازم إيهاب ومؤمن نور وهاجر الشرنوبي وحنان سليمان، ومن إخراج خالد سعيد، وتأليف هند عبدالله.

وكانت ليلى أحمد زاهر نشرت صورة لها بصحبة مؤلفة الحكاية هند عبد الله، وعلقت كاتبة: 'البطلة اللي أنا متصورة معاها دي مش بس مؤلفة مسلسلي الجديد، دي (هند) البطلة اللي انا بعمل شخصيتها وبنحكي حكايتها الصعبة جدا والمؤلمه جدا جدا'.

وتابعت ليلى أحمد زاهر: 'هند مرت بتجربة مش سهل ان اي حد يخرج منها بخير، لكن هيا عدت وركزت في اللي بتحبه وحولت معاناتها لقصة مسلسل انا محظوظه اني بعمله علشان يكون قصه نساعد بيها بنات تانيه، أنا أسفة إنك مريتي بالوجع ده، وفخورة بيكي أوي إنك عديتيه.. ويا رب حياتك كلها تبقى فرح وسعادة ونجاحات زي ما تستحقي'.

واختتمت كاتبة: 'متحمسة قوي تشوفوا قصة 'هند' ويا رب تعجبكم'.

يُذكر أن مسلسل 'ما تراه، ليس كما يبدو' يتكون من 7 حكايات منفصلة، كل واحدة من 5 حلقات، بمجموع 35 حلقة، ويعتمد في بطولته على عدد من النجوم الشباب، وهو من إنتاج كريم أبو ذكري (K Media).

اقرا أيضا: