أعلن الفنان مراد مكرم انتهاء تعاقده مع قناة cbc بعد 12 عاما.

وكتب مراد مكرم عبر حسابه على Instagram: 'بعد سنوات من العمل، أعلن اليوم عن انتهاء تعاقدي مع شبكة قنوات CBC… الخبر ده مش سهل يتكتب في سطرين، لأن CBC ما كانتش مجرد شاشة بطلع منها، دي كانت بيتي التاني'.

وتابع: 'من أول يوم دخلت فيه المكان ده، وأنا حاسس إني وسط عيلة حقيقية بتشتغل بحب، باحترام، وبإيمان إن اللي بنقدمه للناس لازم يكون نابع من ضمير حقيقي ومسؤولية'.

وأضاف مراد مكرم: 'بحب أشكر كل حد اشتغلت معاه، قدام الكاميرا ووراها، من إدارة، إعداد، إخراج، فريق إنتاج، زملاء ومذيعين… كل شخص ساهم في تجربة عمر، وكل شخص علمني حاجة حتى من غير ما يقصد، كان فيه دعم، وكان فيه احترام، وده أغلى حاجة ممكن أي حد يطلع بيها من مكان شغل'.

واختتم مراد مكرم حديثه: 'أغلق صفحة مهمة في حياتي المهنية، وأنا ممتن لكل لحظة فيها، ومتطمن إن اللي جاي مكمل على اللي فات، بخبرة أكبر وقلب هادي ونية صادقة، شكرا CBC… وشكرا لكل اللي كانوا جزء من الرحلة. إلى لقاء جديد… وخطوة جديدة بإذن الله'.