كشفت النجمة ريهام عبد الغفور عن حادث أليم تعرضت له في طفولتها من شخص كان مصدر ثقة لدى أهلها.

قالت ريهام عبد الغفور: 'السر اللي أنا عشت به كتير أوي، إن كان في واحد أهلي بيثقوا فيه جدا، رجل عنده 80 سنة تحرش بيا وأنا عندي 6 سنين، فأنا فضلت قاعدة وأنا عندي 40 سنة وعمري ما قولت لحد الكلام دا لغاية ما تخطيته وقولته'، حسب تصريحاتها لبرنامج 'معكم منى الشاذلي'.

وعن موقع أسرتها، قالت ريهام عبد الغفور: 'أهلي وهم بيتفرجوا اتصدموا، وبعدين قولت لهم هو الشخص مين وهو كان توفى، وصدمتهم كانت كبيرة أوي، بس أنا حسيت بارتياح فظيع لأني فضلت حياتي كلها شايلة، فضلت طول السنين دي لما بفتكر الوقعة دي بحس بنفس الغصة ونفس الخوف'.

تعيش ريهام عبد الغفور حالة من النشاط الفني حاليا، بعد عرض أحدث مسلسلاتها 'حكاية نرجس' في رمضان 2026 وتحقيقها نجاحا كبيرا، يعرض لها حاليا فيلم 'برشامة' في دور العرض المصرية.

'حكاية نرجس' شارك في بطولته حمزة العيلى، تامر نبيل، سماح أنور، دنيا ماهر، بسنت أبو باشا، وأحمد عزمى. قام بمعالجة وسيناريو والحوار عمار صبري، فكرة وإخراج سامح علاء، وإنتاج محمد مشيش.

أما فيلم 'برشامة' فمن بطولة هشام ماجد، ومصطفى غريب، وحاتم صلاح، وباسم سمرة، وفدوى عابد، وكمال أبو رية، وعارفة عبد الرسول، ووليد فواز، وفاتن سعيد، وميشيل ميلاد، ومحمد أبو داود، تأليف خالد دياب وشيرين دياب وأحمد الزغبي، وإخراج خالد دياب، وإنتاج 'سكاي ليميت' و'فيلم سكوير'.