تحدثت الفنانة داليا مصطفى عن واحدة من خطوات حفاظها على جمالها.

قالت داليا مصطفى: 'بقف كتير أدام المراية، بس مش عشان احط مكياج وأعمل شعري، أنا دايما أتسئل هو انتِ شكلك حلو ومابتكريش ليه؟ بمنتهى الصدق يا ستات، أنا بقف أدام المراية أقول جملة (أنا حلوة، أنا صغيرة وهفضل صغيرة، أنا عندي 35 سنة)، أنا مابغيرش الجملة دي'، وذلك حسب تصريحاتها في برنامج 'واحد من الناس' الذي يقدمه الإعلامي عمرو الليثي عبر قناة 'الحياة'.

وتابعت داليا مصطفى: وبفضل أقولها على طول، ولما ببطلها بحس إن في حاجة، ومابعملش الحمدلله عمليات تجميل، ومش ضدها، بس لسه معملتهاش، وبجد فعلا هو كلامك لعقلك الباطن دا اللي بيحصل، أنا فعلا شكلي الحمدلله أصغر من قبل كدة، بشرى دايما تقول لي (هو أنا كل ما اشوفك انتِ بتصغري مابتكبريش ليه؟) بسبب الكلام اللي بفضل اقوله لنفسي أدام المراية.

وطلب عمرو الليثي من داليا مصطفى إعادة الكلمات التي تقولها لنفسها أمام المرآة، وقالت: 'أنا حلوة، أنا صغيرة، وهفضل صغيرة، أنا عندي 35 سنة، أنا بحبك)، دا مهم جدا أنك تحب نفسك وانك تقول كلام حلو لنفسك، أهم بكتير من إنك تسمعه من أي حد'.

من ناحية أخرى تشارك داليا مصطفى في بطولة مسلسل 'روج أسود'، مع مجموعة من النجوم، وتدور أحداثه حول 5 قصص حقيقية عن المطلقات ومعاناتهن في الحياة.

مسلسل 'روج أسود' من تأليف أيمن سليم، إخراج محمد عبد الرحمن حماقي، وتشارك في بطولته رانيا يوسف، مي سليم، داليا مصطفى، لقاء الخميس، وفرح الزاهد.