رد الفنان أحمد السقا على سؤال وجهه له الإعلامي عمرو أديب عن الأخبار التي انتشرت عنه وأزماته الفترة الماضية وإن كان هناك أحد ما يحاول تشويه صورته.

وقال أحمد السقا خلال لقائه في برنامج 'الحكاية': 'أنا لا افترض العداء مع أي حد هو في قضاء وقدر والحمد لله ربنا مطلع على اللي بيحصل'.

وتابع أحمد السقا: 'عندي أخطائي لكن الحمد لله ليا سقف، يعني عندي سقف لا أتجاوزه أبدا'.

وكان الإعلامي عمرو أديب وجه رسالة إلى الفنان أحمد السقا وطليقته الإعلامية مها الصغير ليطلب منهما احترام علاقتهما وأولادهما.

وقال عمرو أديب خلال برنامجه 'الحكاية' على MBC مصر: 'ينظر الناس في مصر للفنان وبالذات السوبر ستار بكثير من التبجيل والاحترام والشخصيات العامة بشكل عام بتهتم أن منظرها قدام الناس يبقى جيد دائما تكون نموذج ولن نتجنى ونقول أصل الفنانين معندهمش حياة خاصة، لا الفنان عنده حياة خاصة ووارد جدا يبقى عنده مشاكل ووارد جدا أنه يبقى عنده حاجات ملهاش حل زي أي إنسان في أي علاقة عائلية ممكن يحدث انفصال وطلاق وفي الوسط الفني في مصر والعالم أجمع حالات الطلاق بتكون واضحة لأن خبر الفنان مش زي أي خبر عادي'.

وتابع عمرو أديب: 'لما يبقى أحمد السقا في مشاكل عنده عائلية دي بتبقى خبر الناس بتهتم بيه ولذلك يجب أن يهتم الفنان أن أخباره تبقى طبيعية ميبقاش في أخبار غريبة ومستهجنة لأن الفنان دا له جمهوره وعشاقه وله الناس اللي بتنظر له أنه قيمة كبيرة محدش عنده مشكلة أنك تطلق مراتك ولكن عندنا مشكلة في المشاكل اللي بتتقال، لا دا بيجري وراها أو ممكن يكون اعتدى عليها، كل دا الناس لا تستقبله بشكل واضح من الفنانين'.

وأكمل عمرو أديب: 'طبعا وسط كل هذا الأخبار والإشاعات بتكبر والسوشيال ميديا بتنفخ في الحاجات ولكن في النهاية هي في إيدين أحمد ومها، يقدروا ببساطة يخلوا الأمور شكلها جيد ومحترم لأن عندهم أولاد، خلاص زي ما أمي بتقول زي ما دخلنا بالمعروف نخرج بالمعروف وإحنا لينا إيه عند بعض الطلاق غير أن تاخد بالك من العيال وأنا أخد بالي من سمعتك ونحترم بعض لأننا بني آدمين ولأننا شخصيات عامة وفنانين يلقى علينا الكثير من الأضواء'.