أبو: لو همثل أحب أقدم الأدوار السيكوباتية جدا

حل الفنان أبو ضيفا على برنامج 'لمن يهمه الفن'، تقديم الإعلامية أميرة نور عبر نغم إف إم، حيث تحدث عن فكرة دخوله مجال التمثيل، وكواليس مجموعة من أغانيه.

وقال أبو خلال لقائه في البرنامج: 'بحب فكرة دمج الأغاني وده اللى عملنه فى أغنية 'أهواك' وأغنية 'ييجى الليل'، وبحب أغير فى الحدوتة، والأغنيتين ليهم قصص ومواقف حقيقية حصلت معايا'.

وأضاف: 'أغنية '3 دقات ' عملت لها اللحن كله الأول، وبعدين كتبت أول كوبليه، ولما قابلت تامر حبيب خلصناها فى قعدة وطبعا كانت نقطة تحول فى حياتى.

وعن انطباعه عن كواليس العمل في التمثيل، قال أبو: 'قعدة الكرفان من وجهة نظرى حاجة حزينة جدا، وبشفق على كل صحابى النجوم اللى بيقعدوا فترات طويلة فى الكرفان عشان يطلعوا بمشهدين أو تلاتة، بحسها حاجة مرهقة جدا'.

وكشف عن نوعية الأدوار التي يرغب في تقديمها قائلا: 'لو همثل أحب أقدم الأدوار السيكوباتية جدا، ونفسى أجرب نفسى فى دور زى اللى فى فيلم 'الجوكر' كده، وحابب أعمل حاجة فيها تمثيل بجد'.

وتابع: 'الحلم اللى نفسى أعمله هو مسرحية موسيقية، ويا سلام لو ليها علاقة بمصر'.

وعن أعماله القادمة قال أبو: 'هعمل دويتو قريب هينزل فى الصيف، لأني بحب الدويتوهات جدا'.

تحدث أبو عن كواليس أغانيه قائلا: 'أسرع أغنية عملتها خدت مني 45 دقيقة وكان اسمها 'الناس ما بترحمش'، كلام ولحن نزلوا مع بعض، كمان عندى أغنية مشهور بيها فى الوسط اسمها 'شربات' من كلماتى وألحاني، دي أنا وزعتها تقريبا 11 مرة وهتنزل إن شاء الله بعد رمضان'.

وكشف اللقاء عن جانب إنساني خاص بالفنان أبو، حيث قال: 'لو هقول حاجة محدش يعرفها عنى، أنا ما بعرفش أعمل شلة، بس عندى أصدقاء فرديين، وكمان بحب العزلة جدا'.

اقرا أيضا: