تامر حسني يرد على بيان شكر نقابة المهن التمثيلية له: مش أنا لوحدي اللي تعبت

رد الفنان تامر حسني على بيان الشكر الذي أصدرته نقابة المهن التمثيلية بعد مشاركته في حفل افتتاح مهرجان المهن التمثيلية في دورته الثامنة وتقديمه أغنية.

ونشر تامر حسني بيان النقابة عبر حسابه على Instagram وحرص على توجيه الشكل لكل من شارك في الحفل وشارك في الأغنية التي قدمها وظهر فيها عدد من نجوم مصر بالذكاء الاصطناعي.

وكتب تامر حسني: 'ملقيتش مكان أبرز فيه الشهادة الغالية دي غير معاكم. أنا اللي بشكر النقابة والدكتور أشرف وشباب المسرح المصري اللي اختاروني للقيام بعمل ومسؤولية إظهاره بالشكل ده'.

وتابع تامر حسني: 'مش أنا لوحدي اللي تعبت، أحب كمان أشكر صُناع العمل الكبار: طارق علي، كريم نيازي، مؤمن ياسر، ومهندس الصوت سام محمد، ومخرج الحفل الأستاذ محمد جبر. وكل الشكر لكل مساعدات ورعاية المخرج الكبير الأستاذ هشام عطوة، وشكر خالص لشركتي TH Production اللي نفذت الكليب بطريقة الـ Ai بالشكل الاحترافي ده'.

وأختتم تامر حسني: 'حقيقي أنا حلمت بالرؤية وانتوا نفذتوها يا شباب أحسن من توقعاتي. بجد كل التقدير والاحترام ليكم، وأخيرا كل الشكر والاحترام للدكتور المحترم حبيب الكل أشرف زكي وجميع العاملين وموظفي نقابة المهن التمثيلية وشباب المسرح المصري اللي بعد عمر طويل إن شاء الله أعمالهم هتكون مُخلدة زي جيل العظماء اللي قبلهم'.

وقدم تامر حسني أغنية 'من كان يا مكان' التي تحدث فيها عن نجوم الفن المصري مع عرض فيديو بالذكاء الاصطناعي ظهر فيه عدد كبير من النجوم.