شهيرة لحفيدها محمود ياسين جونيور بعد مشهد موته في "محارب": شغلتك تمثل وبس

اعترضت النجمة شهيرة على تقديم حفيدها الفنان محمود ياسين جونيور مشهد وقوعه من أعلى المبنى ووفاته في مسلسل 'محارب'.

أعادت شهيرة نشر فيديو كواليس وفاة شخصية 'ميكا' التي يقدمها محمود ياسين جونيور، وعلقت عبر حسابها بتطبيق Facebook، كاتبة: 'شوف يامحمود، أنت أمبارح عملت مشهد عظيم وأداء مبهر، الكل أشاد بيك وبموهبتك، كل ده جميل'.

وتابعت: في آخر المشهد بتنط من الشباك، المنظر اللي أنا شيفاه ده كان عايز دوبلير، بس أنت حبيت تعمله بنفسك للمصداقية، ماشي المصداقية علي عيني وراسي، لكن لحد كده ولأ ياحبيبي، خطر جدا.

وأضافت: والله ماينفع كده، كلنا أتفزعنا أمبارح واحنا بنشوف الحلقة، أرجوك بعد كده في اي عمل لو استدعي الأمر لمشهد كده، فيه ناس متخصصة في الألعاب الخطرة، أنت شغلتك تمثل وبس، وربنا يحميك ويحفظك ياحبيبي.

مسلسل 'محارب' من بطولة حسن الرداد وأحمد زاهر وناهد السباعي وماجد المصري ونرمين الفقي وتامر عبد المنعم ومحمود ياسين جونيور، تأليف محمد سيد بشير وإخراج شيرين عادل وإنتاج أحمد السبكي.

طالع أيضا - نظرة على المشهد الأخير .. قصة مقتل سينمائي شهير بطريقة سادية والتحقيق مع 65 كومبارس.. ومفاجآت عديدة في تحقيقات النيابة