أميرة فتحي: أصدقائي كلهم رجالة معنديش أصدقاء ستات

كشفت الفنانة أميرة فتحي أن كل أصدقائها المقربين لها من الرجال، وأرجعت ذلك بسبب الغيرة بين النساء.

وقالت أميرة فتحي خلال لقائها في برنامج 'كلام الناس' من تقديم ياسمين عز ويعرض عبر قناة MBC مصر: 'الرجل في حياتي بيمثل كل حاجة لأن أصدقائي كلهم رجالة، معنديش أصدقاء ستات، دا بجد مش هزار'.

وتابعت أميرة فتحي: ' ساعات بيكون دا بسبب الغيرة بين الستات، مش عارفة قعدت فترة زعلانة، بس من وأنا في المدرسة لغاية دلوقتي أصدقائي رجالة وقريبين أوي أقدر أتكلم معاهم ويتكلموا معايا، و دايما بحس أن اللي يحبوني الستات اللي واثقة في نفسها وفي كتير أوي مش واثقين في نفسهم ومهزوزين ودي بتبقى مشكلة، أنا مش بعرف أتعامل مع النوعية دي، أنا عندي حاسة مش عادية، أشوف حد لأول مرة بالذات الستات بحس بيهم'.

يذكر أن أميرة فتحي تغيب عن الشاشات منذ فترة طويلة ولم تشارك في أعمال جديدة.

وكان آخر أعمال أميرة فتحي مسلسل 'السرايا' بطولة سوسن بدر ومصطفى كامل ودنيا عبد العزيز وميار الغيطي وناصر سيف وياسر علي ماهر وأمير شاهين، تأليف أحمد صبحي وإخراج وائل فهمي عبد الحميد.

وكانت أميرة فتحي طرحت أغنية في نهاية 2021 بعنوان 'أنا مبتعوضش'.

وأغنية 'أنا مبتعوضش' من كلمات محمود كامل وألحان حسن سراج، توزيع محمود شابوري.