أحمد حاتم: ابني "عزيز" أكبر نعمة في حياتي

تحدث الفنان أحمد حاتم عن ابنه 'عزيز' وعلاقته به.

وقال أحمد حاتم خلال لقائه في برنامج 'عندي سؤال' مع محمد قيس: 'في حياتي نعمة كبيرة اسمها 'عزيز' ابني لأنه على جميع المستويات هو حاجة بالنسبة ليا مهمة وبتريحني وبتبسطني وبتخليني أحسن ومسئول أكتر من غير ضغط، لأني اتجاه شغلي مسئول أكتر بس مضغوط جدا ولما أكون في علاقة بكون مسئول جدا بس بكون مضغوط بحاجات بعملها غصب عني، لكن عزيز العلاقة الوحيدة في حياتي أنا بعمل كل حاجة غصب عني وأنا مبسوط'.

وأوضح أحمد حاتم أن أكثر ما يبحث عنه الآن هو الاستقرار العاطفي وقال: 'أنا شخص ملول وبحس الجواز صعب بالنسبة ليا ولكن على الصعيد الآخر أنا عايزه جدا وبسعى له جدا لأني صعب أعيش لوحدي أنا جربت والحياة صعبة ومحتاج وجود ست طول الوقت في حياتي لكن محتاجها ومحتاج إني أبقى راضي وأخرس واسكت دا اللي ناقصني الاستقرار العاطفي'.

وعن أكثر ما يخيفه من تكرار تجربة الزواج قال أحمد حاتم: 'عندي هاجس وتخوف إني أخلف مرة تانية والجوزاة لا تنجح لأن تجربة أنك تبني علاقة حياتية ويومية مع ابنك وأنتم مش عايشين مع بعض دا في جزء كبير على شريكك الآخر أن نبقى حاطين الولد قدام عنينا وبنعمل مجهود متبادل، فأني أعمله مرتين جايز دا الحاجة الوحيدة اللي بقعد أفكر فيها كتير جدا قبل ما أخد قرار هل هبقى قادر أعمل دا من غير ما أزود مسئوليات مقدرش أعملها وتاخدني من شغلي وحياتي'.

يذكر أن أحمد حاتم شارك في موسم رمضان 2025 بمسلسل 'إخواتي'.

مسلسل 'إخواتي' من بطولة نيللي كريم، روبي، كندة علوش، چيهان الشماشرجي، حاتم صلاح، علي صبحي، نبيل عيسى، أحمد الأزعر، وظهور خاص لمحمد ممدوح، والعمل من إخراج محمد شاكر خضير، وتأليف مهاب طارق.