خالد النبوي عن ابنه نور: وأنا في عمره مكنتش متعلم علامه

عبر الفنان خالد النبوي عن سعادته بنجاح ابنه نور النبوي بعد عرض مسلسله '6 شهور' وفيلم 'الحريفة 2'.

وتحدث خالد النبوي عن ابنه نور خلال مداخلة هاتفية ببرنامج 'الحكاية' مع عمرو أديب وقال: 'نور بعيد عني خالص وبيشتغل لوحدة وعنده دماغه حتى علامه في الشغلانة علام مش بتاعي، أنا اتعلمت في حته وهو اتعلم في حته تانية وأنا في عمره مكنتش متعلم علامه، هو ماشي خطوات بهدوء شديد وبيعملها كويس'.

وتابع خالد النبوي: 'المشترك بيني وبينه أنه بيعمل مجهود جبار عشان كده أنا مبسوط أوي بالفيلم'.

وكشف خالد النبوي عن رأيه في فيلم 'الحريفة' والفرق بين الجزء الأول والثاني قائلا: 'الفرق بين فيلم 'الحريفة' الجزء التاني و'الحريفة' الجزء الأول، في الجزء الأولاني الولاد كلهم مش واخدين بالهم من اللي بيحصل لهم، الجزء التاني كأن بقى عندهم وعي وعايزين يعملوا حاجة يمكن حتى مش عارفينها، الحاجة اللي عجبتني في الفيلم الأولاني أن فيه طبقتين في الفيلم طبقة الناس الأغنياء وطبقة الناس الشعبيين، اللي عجبني أنهم اتفقوا مع بعض على حلم وهدف واحد من غير ما يشتموا بعض ويضايقوا بعض واتحادهم خلاهم نجحوا، أنا أعتقد أن الفيلم الأولاني أدى حاجة للمجتمع كان محتاجلها أن إحنا كلنا في بلدنا الغالية مصر نفسنا نتحد مع بعض من غير ما ننتقد بعض وهننجح'.

فيلم 'الحريفة 2 – الريمونتادا' بطولة نور النبوي، نور إيهاب، أحمد غزي، كزبرة، عبد الرحمن محمد، سليم الترك، خالد الذهبي، نورين أبو سعدة، كريمة منصور والطفلة ريما مصطفى، وتأليف إياد صالح، وإخراج كريم سعد، وإنتاج شركة Tvision (طارق الجنايني).