فيديو – هدى الإتربي في "رامز إيلون مصر": لو في حاجة صناعي كانت فرقعت!

دخلت الفنانة هدى الإتربي في نوبة صراخ خلال استضافتها في برنامج 'رامز إيلون مصر' المذاع عبر قناة MBC مصر، وذلك خلال فقرة نحت نسخة منها بواسطة الروبوت 'زنجباري'.

وصرخت هدى الإتربي قائلة: 'هموت نزلوني والنبي'.

وقال الفنان رامز جلال بعد الكشف عن نفسه: 'هدى أثبتت إنها بيور، كله طبيعي مفيش حاجة صناعي'، وهو ما عقبت عليه هدى الإتربي قائلة: 'لو في حاجة صناعي كانت فرقعت'.

وكان رامز استقبل هدى الإتربي بمقدمة ساخرة قال فيها: 'معانا نجمة مشهورة محدش عارف ليه، يمكن علشان نافخة الشفايف، ولا مدملكة زي القطايف، النجومية دلوقتي بقت بالبروز'.

وأضاف رامز: 'النجمة اللي معانا منبع الفيلر، بتعبي السليكون بالكوز. مستحلية نفسها وفاكرة محدش قدها، النهاردة هردها على البارد، وأكسر جناحها اللي فارد. معانا الشيست المفترس، إيرباجز الجيل'.

وسخر رامز من إطلالة هدى الإتربي عقب وصولها للبرنامج قائلا: 'جاية من الحرفيين على هنا، مفيش عدالة في التوزيع وفي مناطق جت على مناطق، إيه الشعر ده؟ مش بتحط زيت أملا دي بتشربه، واللي زي دي لازم واحد يمشي وراها بطشت أحسن شوية سليكون يتدلدقوا، وإنت لابسة بودي ولا بودي آرمر'.

تدور فكرة 'رامز إيلون مصر' حول استدراج ضحية المقلب إلى المشاركة في لجنة تحكيم برنامج اكتشاف المواهب 'جولدن تالنت'، إلى جانب النجمة نوال الزغبي، ونجم نادي الاتحاد والمنتخب السعودي محمد نور، بالإضافة إلى رامز جلال، والمذيعة بسنت شمس، التي تلعب دور مقدمة برنامج المواهب.

ويبدأ المقلب فعليا عندما تتم دعوة الضيف أو الضيفة إلى المشاركة في اختبار اختراع طبي لأحد متسابقي المواهب، وهو 'روبوت' يعمل بالذكاء الاصطناعي، يمكنه إجراء فحص طبي شامل للمريض خلال 10 دقائق.

لكن قبل ذلك، يكون رامز جلال قد تم استبداله بشخص آخر خلال فقرة إحدى المواهب، ليعود للظهور على المسرح بشخصية الروبوت 'زنجباري'، ويبدأ عندها المقلب واختبار قوة تحمل الضيف المربوط في سرير دوار، ويستكمل رامز المقلب بعد الكشف عند نفسه.

وتضم قائمة ضيوف برنامج 'رامز إيلون مصر' عددا كبيرا من نجوم الفن والرياضة والإعلام، ومنهم فيفي عبده، وأحمد فهمي، ومحمد رجب، ونور النبوي، وأحمد العوضي، ومصطفى أبو سريع، وحسام حبيب، ومحمد عبد الرحمن، ومصطفى غريب، ونور إيهاب، وحاتم صلاح، ومن لاعبي كرة القدم إمام عاشور، وأشرف بن شرقي، وناصر منسي، ودونجا، وطاهر محمد طاهر.