بعد عام من عقد قرانها في أمريكا … ثراء جبيل تحتفل بزفافها على شاطئ البحر

احتفلت الفنانة ثراء جبيل بزفافها على الفنان مختار الديناري.

أقيم حفل الزفاف على شاطئ البحر بحضور الأصدقاء ومنهم المخرج مجدي الهواري وزوجته دنيا عبد المعبود.

أطلت ثراء جبيل بفستان أبيض طويل بأكمام طويلة وفتحة من منطقة البطن، وتركت شعرها ينسدل مموجا على كتفها مع طرحة من الشيفون.

وظهرت ثراء جبيل في فيديو وهي تقول وعود الزواج لمختار الديناري وقالت: 'مختار، عايزة أقولك إني بعيش أجمل أيام حياتي وعرفت معنى الحب، وعرفت أن أجمل حاجة في الدنيا أن يبقى معاك حد أنتيمك وصاحبك وفي ضهرك وزوج حنين وبني آدم جميل وطموح ودايما مع بعض يارب ناجحين ودايما في أعلى نقطة في العالم'.

فيما قال مختار الديناري: 'شكرا أنكم جيتوا النهاردة لينا دا حدث جميل بصراحة أنا عمري ما تخيلت إني هتجوز بس الجميل أنك لما تلاقي حد قلبه على قلبك وفي ضهرك وبيكمل حاجات فعلا مش موجودة عندك، مش زيك مختلف عنك لكن أنتوا الاتنين بتكملوا صورة حلوة، أنا بحب ثراء جدا عشان معاها لقيت حاجة حلوة بمعنى أنك عندك طاقة تصحى كل يوم الصبح تعمل حاجات ممكن تكون بتحبها وممكن تكون مش بتحبها معندكش مشكلة تتكيف مع أي ظروف تتحط فيها بس عشان خاطر أن في حد بيشوفك بعيون حلوة وتفضل محافظ عليه، والأجمل من أي حاجة مع ثراء لقيت عيلتي ودا أجمل من أنك بتحب شخص بس، عرفت معنى العيلة والانتماء وأن يبقى عندك أهل بتحب تشتغل وتعمل حاجات كتيرة عشان يشوفوك بعين حلوة'.

وكانت ثراء جبيل احتفلت بعقد قرانها في ديسمبر الماضي في الولايات المتحدة الأمريكية.

وكشفت ثراء جبيل سبب إقامة حفل زفافها في الولايات المتحدة الأمريكية وقالت: 'بعد ما مختار جاتله منحة فولبرايت وعشان هيقعد سنتين قررنا نتجوز في أمريكا في أجمل وقت في السنة بالنسبالي في الكريسماس 25/ 12/2023'.

وأوضحت أنها ستقيم حفل زفاف مع أصدقائهما في مصر وهو ما حدث.