بسمة بوسيل: طلاقي من تامر حسني كان صدمة ... وجريت على الكعبة علشان أقرب من ربنا

كشفت الفنانة بسمة بوسيل عن أنها لجأت في الفترة الماضية إلى التقرب من الله، بعد تعرضها لصعوبات عديدة في حياتها، ومنها انفصالها عن النجم تامر حسني.

وقالت بسمة بوسيل خلال لقائها مع الإعلامية منى عبد الوهاب في برنامج 'ع المسرح' المذاع عبر قناة الحياة: 'الانفصال كان صعب، لأن أنا وتامر بنحب بعض جدا كأشخاص غير كزوجين، وهو شخص غالي عندي جدا، ولغاية دلوقتي بيعرف كل حاجة أنا بعملها وبيطمن على كل حاجة'.

وأضافت: 'الطلاق كان صدمة مع إنه ممكن يبقى بداية جديدة، وإحنا وصلنا لمرحلة كان عندنا مشاكل كثيرة ومش بنكلم بعض، وكانت خضة وفي الأول كنت أقعد أشتكي وأقول أبويا توفى وبعدها اتطلقت وماما عملت عمليات كبيرة، لكن بعدها حسيت إني عايزة أقرب من ربنا'.

وتابعت: 'عملت عمرة 3 مرات في سنة، وكل شوية أجري على الكعبة، ولما جمعت الصورة حسيت إن المشكلة عندي في تعلقي بالناس، والتعلق لا يجوز إلا برب العالمين'.

أوضحت بسمة بوسيل أن نظرتها للأحداث التي مرت بها تغيرت قائلة: 'لما هديت نظرتي للموت والطلاق تغيرت تماما، ووصلت لنقطة التصالح مع النفس، وحصلت حاجات كويسة جدا في شغلي، كأن ربنا بيكرمي علشان رضيت، مستحيل تروحي لربنا ويرجعك محبطة'.

يذكر أن بسمة بوسيل تشارك في موسم رمضان 2024، من خلال غنائها تتر مسلسل 'نعمة الأفوكاتو'، ومجموعة من الرباعيات داخل العمل.

المسلسل ينتمي لدراما الـ15 حلقة، ويشارك فى بطولته المسلسل بجانب مى عمر كل من أحمد زاهر، كمال أبورية، أروى جودة، سلوى عثمان، سامي مغاوري، لبنى ونس، عماد زيادة، هدير عبد الناصر، غادة فلفل، أحمد ماجد، ولاء الشريف، محمود غريب.

طالع أيضا: ريم رؤوف: أحمد مختار خالي ... وأحمد كمال كان صديقه وكان بيقعدني على حجره ويلعب بيا مع عبلة كامل