رسالة مؤثرة من ابنة محمد رحيم: حاسه بيك معايا في كل لحظة

وجهت هارتي ابنة الفنان الراحل محمد رحيم رسالة مؤثرة له عبرت فيها عن حبها الكبير له وافتخارها كونه والدها.

ونشرت هارتي محمد رحيم فيديو لوالدها وكتبت رسالة له قالت فيها: 'أنت الجمال كله وكل حاجة حلوة يا بابا، يا أطيب وأحن قلب وأعظم فنان جيلك، بحبك وفخورة إني شبهك وحتة منك، أنا وماس موجودين عشان تكمل تاريخك'.

وتابعت ابنة محمد رحيم: 'بابايا وروحي و نور عيني والروح البعيش ليها أنت وماما، أنت أجمل إنسان اتخلق أنا هعيش بيك طول حياتي وأوعدك إني هخليك فخور بيا يا بابا. أنا حتة منك وهفضل طول عمري حتة منك يا ملاك ومهما اتكلموا عنك مش هيقدرو يوصفوك'.

واختتمت رسالتها: 'أنت الحب أنت الأمان أنت الدفا وحنان قلوب البشرية. أنا حاسه بيك معايا في كل لحظة يا قمر منور حياتي يا بابا. بحبك بحبك بحبك يا حبي وقلبي أنا'.

وتوفي المغني والملحن محمد رحيم في الساعات الأولى من السبت 23 نوفمبر الجاري.

وكان الفنان محمد رحيم تعرض لوعكة صحية منذ أشهر، في يوليو الماضي، كشفت أنوسة كوتة مدربة الأسود، زوجته عن دخوله العناية المركزة بعد تعرضه لأزمة صحية.

يذكر أن محمد رحيم من مواليد ديسمبر 1979، ومن أشهر الأغاني التي قدمها 'وغلاوتك' و'لو عشقاني' لعمرو دياب و'أنا لو قلت' لمحمد فؤاد و'الليالي' لنوال الزغبي و'آه يا ليل' و'يا ليل' لهشام عباس و'صبري قليل' و'أنا في الغرام' و'مشاعر' لشيرين عبد الوهاب و'منازل' و'60 دقيقة' لأصالة و'ياللي زعلان مني' لمحمد حماقي و'يانا يانا' لتامر حسني و'يا حمام' و'قلبي مايشبهنيش' لمحمد منير.