ياسمين رئيس عن فيلمها "ماما وبابا": غيرت من حب ابني لمسلسل "اللعبة" وأتمنيت أقدم عمل عائلي

كشفت الفنانة ياسمين رئيس سبب حماسها لتقديم فيلم 'ماما وبابا' وعلاقته بمسلسل 'اللعبة'.

وحكت ياسمين رئيس خلال لقائها في برنامج 'أسرار النجوم' مع إنجي علي قائلة: 'كان نفسي أعمل حاجة أعرف ولادي وولاد أخويا يتفرجوا معايا ويبقوا بيضحكوا ومبسوطين، دي أكتر حاجة كنت بفكر فيها يمكن عشان أنا أم، وغيرت بصراحة ابني مش بيتفرج على حاجات كتير بس بيتفرج على مسلسل 'اللعبة' وبيحبه جدا جدا فغيرت كدا قولت أنا عايزة أعمل حاجة يتفرجوا عليها ويضحكوا الولاد والحمد لله أنا كل حاجة اتمنيتها حصلت وحشة أو حلوة، أنا اتمنيت أعمل النوع دا فيلم عائلي العيلة كلها تعرف تتفرج عليه، والحمد لله جالي الموضوع واتبسط جدا'.

وعبرت ياسمين رئيس عن سعادتها بالتعاون مجددا مع الفنان محمد عبد الرحمن قائلة: ' محمد عبد الرحمن أنا بحبه واشتغلنا مع بعض قبل كده، أول حاجة كان فيلم 'إكس لارج' بس متقابلناش هو كان أول مرة يمثل وكنت أنا دا تاني فيلم ليا، اتقابلنا في 'لص بغداد' وبقينا أصحاب من وقتها وبنسأل على بعض'.

وبدأ عرض فيلم 'ماما وبابا' في دور العرض السينمائية المصرية يوم 27 أغسطس، وفي سينمات الوطن العربي يبدأ عرضه بتاريخ 11 سبتمبر.

فيلم 'ماما وبابا' من بطولة ياسمين رئيس ومحمد عبد الرحمن، وتأليف محمد صادق، وإنتاج محمد رشيدي رشيدي فيلم، وياسر صلاح، وإخراج أحمد القيعي، ويحمل الفيلم الطابع الكوميدي التشويقي في العديد من المواقف والأحداث الكوميدية بين أبطال العمل.