ياسمين رئيس: دينا الشربيني بتغني "باي باي حبيبي باي باي" مع روبي واحنا قاعدين في البيت

علقت الفنانة ياسمين رئيس على الشائعات التي تتردد حول صديقتها المقربة النجمة دينا الشربيني بعد غنائها 'قلبي بلاستيك' مع النجمة روبي في حفل بالساحل الشمالي.

قالت ياسمين رئيس: 'أكتر واحدة بيطلع عليها اشاعات هي دينا الشربيني وهي أختي، أنا اتعلمت الصبر وطولة البال منها، وإن أنا مردش، بصي دينا الدنيا مقلوبة دلوقتي إشاعات، يا جماعة دينا واحنا قاعدين في البيت هي وروبي بيغنوا الأغنية دي، وبيقرفونا بيها هما الاتنين، ودينا محبة للحياة'، حسب تصريحاتها لبرنامج 'أسرار النجوم' الذي تقدمه إنجي علي عبر إذاعة 'نجوم FM'.

وتابعت ياسمين رئيس: الأغنية دي من يوم ما طلعت وغالبا دي كان نفسها هي اللي تغنيها، وروبي عشان حبيبتنا وهي بتجبر بخاطرها، وطول ما احنا قاعدين مع بعض في بيت أو قعدة بنات لازم تغنيها هي بتحبها، ومستحيل تبقى موجودة في مرة وروبي بتغنيها ودينا مش هتطلع تغنيها معها.

واختتمت ياسمين رئيس حديثها عن الشائعات المنتشرة حولها وحول دينا الشربيني: 'احنا مش بنرد ولا بالنفس ولا بالإيجاب لأن لو فتحتي مجال للرد خلاص'.

ومن ناحية أخرى، يعرض لياسمين رئيس حاليا فيلم 'ماما وبابا' مع محمد عبد الرحمن وتأليف محمد صادق، وإنتاج محمد رشيدي رشيدي فيلم، وياسر صلاح، وإخراج أحمد القيعي، ويحمل الفيلم الطابع الكوميدي التشويقي في العديد من المواقف والأحداث الكوميدية بين أبطال العمل.