عفروتو: فرط الحركة سبب تلقيبي بـ "عفروتو" ... والإسكندرية عاصمة الراب في مصر

كشف الرابر عفروتو سر إطلاق لقب 'عفروتو' عليه منذ صغره.

وقال عفروتو خلال حواره مع الإعلامي أنس بوخش في برنامج ABtalks Music: 'أنا طول عمري من وأنا صغير شقي، ومن وأنا صغير عندي فرط حركة، كل الأطفال عندها فرط حركة بس أنا كنت زيادة شوية'.

وأضاف عفروتو: 'أنا من منطقة ساعدتني على كده، مش مولود في كمباوند مثلا ومنطقتي شعبية، واتسميت عفروتو من رابعة ابتدائي من كتر ما أنا عفريت، وثبتت معايا حتى لما غنيت'.

تحدث عفروتو خلال اللقاء عن تأثير مدينة الإسكندرية على دخوله مجال الراب قائلا: 'وأنا صغير كان صوتي حلو وبغني في المدرسة مع الكورال، بس مكنتش أعرب الراب، وإسكندرية لعبت دور في مشواري في الراب بالذات'.

وتابع عفروتو: 'إسكندرية هي عاصمة الراب في مصر، ومش بقول كده علشان بلدي، لكن أكثر الرابرز المعروفين والناجحين دايما من إسكندرية، وهي بيئة خصبة للراب، جوها في الشتا بيساعد، وريحة اليود بحس إنها بتخلي الواحد يبدع كفنان'.