بدرية طلبة ترد على اتهامات قتل زوجها وتجارة الأعضاء: إيه الإفترى دا

ردت الفنانة بدرية طلبة على كل ما يقال عنها ويكتب عنها والاتهامات التي توجه لها عبر مواقع التواصل الاجتماعي.

وظهرت بدرية طلبة في بث مباشر عبر حسابها على Facebook لترد فيه على كل من يكذب ويقول أشياء غير صحيحة عنها.

وقالت بدرية طلبة: 'قالوا أني قتلت جوزي وأخدت أعضائه دا أنا مافيا بقى ومش عايزني أرد، لا أرد وبالطريقة اللي تريحني عشان أخد حق جوزي اللي في التربة، أنا رافعة قضية على الست اللي قالت إني قتلت جوزي وتكتبوا أن عايزين يتحقق معايا، أنتوا إيه عايزين مني إيه'.

وتابعت بدرية طلبة: 'أختي الكبيرة اتصلت بيا تسألني أن كان اتقبض عليا وأنا في بيتي، لما واحد يدخل يقولي انتي قتلتي جوزك أنتي شغاله في الأعضاء أنت شحاتة، الشعب المصري المحترم مش هيكلف خاطرة دقيقة يدخل يشتم واحدة قاعدة في حالها، في ناس أخدت كلامي وقصوه وقالوا بتشتم الشعب المصري، لكن أنا بشتم اللجان والخرفان وبقولهم الشعب المصري أسيادكم'.

وأكملت بدرية طلبة: 'أنا من يوم اللي حصل مع زميلتي وفاء عامر والبهدلة اللي هي فيها دخلوا عليا، أبقى قاعدة يكتبولي إيه بقى الكبدة بكام وعضو إيه بكام، أنا رد فعل شعب مين المصري اللي انا هشتمه، دا أصغر عيل في الشارع يوقفني يتصور معايا بقف، أكبر نجم في مصر أهل البلد اللي عاملينه'.

وأضافت بدرية طلبة: 'واحدة طلعت قالت إني كنت شغالة عند حسين الإمام في البيت خدامه وبعدين أخدني اشتغلت في البرنامج، وسمير غانم اللي كنت واقفة جمبه على المسرح رائد لبيب أخدني من عنده في المسرح شفتيني فين وأنا بشتغل وبخدم في بيت حسين الإمام، كتبها في مذكراته وسابها لك إيه الإفترى دا'.