حجمه كبير.. زوجة أمير طعيمة تكشف تفاصيل إصابتها بورم

أعلنت جيني طعيمة، زوجة الشاعر الغنائي أمير طعيمة، إصابتها بورم منذ عدة أشهر.

وكتبت جيني طعيمة عبر صفحتها بموقع التواصل الاجتماعي Facebook: 'من حوالي سنة ويمكن أكتر وأنا تعبانة وبأجل مشوار الطبيب وبقول بطلي دلع وباخد مسكنات، والدنيا ماشية، من تقريبا كده 4 شهور وتدهور رهيب ومتماسكة، وبقول أفضي بس كده وأشوف مفيش صحة تمامًا الجسم كله مأذي لدرجة إني مش فاهمة أنا إيه اللي بيجري لي'.

وأضافت: 'لدرجة إني كلمت الطبيب الخاص وأخدت ميعاد وكنت في العربية قبل ما العيادة تفتح.. كشفت والصدمة.. إيه ده يا مدام.. هو حضرتك إزاي عايشة كده!.. وتفاصيل كتير في الكشف وقالي محتاج جراحة بس محتاج الأشعة والتحاليل دي وحالًا'.

وتابعت: 'أدركت إني فعلا في حتة مش تمام.. ومن فحوصات الأشعة الكلام اختلف.. 4 أطباء من جامعة عين شمس والقاهرة وطب الأزهر عشان دقة الجراحة كل واحد كان بيبعت لزميله الأهم للتشخيص ويقولي معلش ناخد رأي شيخنا ومعلمنا الدكتور فلان أفضل لسلامتك أصبري وتحملي'.

وذكرت: 'وقت الجراحة اكتشفنا إنه ورم وحجمه كبير.. بس حقيقي وبأمانة محدش سابني لحظة ولا أستعجل ولا حاول يحطني تحت ريسك مع إنه طبيعي يحدث.. وبكل أمانة ما كانش بيتقال غير دي بنتنا وعايزين نحافظ عليها'.

واختتمت جيني طعيمة: 'الحمد لله النتيجة النهائية إني بخير وسعيدة.. بشكر كل أيد من الأيدي الطيبة اللي ساعدتني وصبرت عليا.. بعرف إن ربنا بيحبني من المواقف دي مش من أي حاجة تانية وأكتر كلمتين بيطمنوني من الناس البسيطة إللي بتقولي أوعي تخافي ربنا هيجبر بخاطرك عشان أنتي مفيش حد بتزعليه أبدًا'.

وما لا يعرفه الكثير أن جيني طعيمة مطربة معتزلة، وانطلقت في الساحة الفنية عام 2006، وجيني هو اسمها الحقيقي، وهي من مواليد 23 فبراير وتخرجت من قسم الإذاعة من كلية الإعلام، وبدأت مشوارها الفني في مجال التمثيل مع المخرج الكبير جلال الشرقاوي حيث عملت معه في مسرحية 'إمسك حكومة'، مع النجم الكبير صلاح عبد الله ووفاء عامر، ثم عملت في مسرحية 'إدلعي يا نوسة'، مع فيفي عبده وماجد المصري وطلعت زكريا وسامي العدل وأحمد راتب، ثم قدمت مسرحية في ليبيا مع الفنان سيد زيان بعناوين 'اللي يبيع يضيع'، بمناسبة الاحتفال بأعياد الفاتح لمعمر القذافي.

وقدمت ألبوم غنائي وحيد يحمل اسم 'بلاش أسئلة'، والذي ذاع صيته وقتها بقوة بفضل أغنيتين، وهما 'امشي وسبني'، والتى ظهر فيها زوجها أمير طعيمة كـ'موديلز رجالي'، وأغنية 'لأ'، التي عرفها البعض باسم 'أومبيللأ'.

لو فاتك- ليه كل الناس بتحب تتابع 'تيك توك' ريا أبي راشد؟ الفيديو ده هيقدم لك الإجابة

حمل آبلكيشن FilFan ... و(عيش وسط النجوم)