محمد سامي يعلن اعتزال الدراما

بعد نجاح مسلسل 'إش إش' و 'سيد الناس'، أعلن المخرج المصري محمد سامي، اعتزال الدراما التلفزيونية، موضحًا بعد الأسباب المختلفة لجمهوره.

ونشر المخرج محمد سامي عبر صفحته الرسمية بموقع 'فيسبوك'، عدة أسباب لجمهوره، موضحًا فيهم سبب اعتزاله الدراما التلفزيونية، قائلاً:' السنة دي كانت آخر أعمالي التلفزيونية، واللي فيها بودع المسلسلات ورحلة طويلة حوالي 15 سنة'.

وأوضح المخرج محمد سامي: 'قدمت بفضل ربنا نجاحات مع نجوم كتير ومع شركات وقنوات كلها مهمة، وكان دايما الجمهور بيشجعني، سواء بردود الأفعال أو بتصويته ليا في الجوائز'.

وأضاف 'سامي':' أي نجاح حققته كان بفضل ربنا والجمهور، يمكن المقربين ليا عارفين إني واخد القرار ده من فترة وهو اعتزال الإخراج التلفزيوني، ولكن كنت بنتهي من التزامات موقعة مع شركات ونجوم والحمد الله انتهيت منها، وكان آخرها 2025'.

وتحدث 'سامي' لجمهوره قائلاً:' معنديش حاجة أكتر أقدر أقدمها في التليفزيون، وخايف من تشبع الجمهور من أسلوبي، ومن الوقوع في فخ التكرار ودائرة المتوقع والملل، والوحيد القادر على الدوام هو الله وحده، الحمدالله آخر عملين ليا إش إش وسيد الناس حققوا نجاح أنا سعيد بيه، كل يوم بلدي العظيمة مصر بتطلع صناع جداد موهوبيين ومثقفين، ويقدروا يقدموا أفضل من اللي قبهم وهنفضل طول الوقت بنقدم أعمال مصرية يلتف حولها الجمهور العربي'.

وتقدم المخرج محمد سامي برسالة شكر قائلاً: 'بشكل كل حد ساعدني في الرحلة وبشكر كل زميل منافسته كانت دافع للتميز، وبعتذر عن أي مشهد قدمته أثناء الرحلة، ولم يلقي استحسان الجمهور أو إعجابهم في الآخر الفنان دايما بيجرب والفنون جنون زي ما بيقولوا'.

وطلب 'سامي' من جمهوره الدعاء له بالتوفيق، بعد الإعلان عن سفره خارج مصر لمدة عامين، موضحًا:' هتعلم فيهم حاجة جديدة بدرسها، حاجة كان نفسي أتعلمها من زمان، وأجلتها كتير لحد ما لقيت نفسي بكبر وخايف يفوت العمر قبل ما أعمل حاجة نفسي فيها، ومقتنع أن الشخص يقدر في أي وقت يقرر يوقف حاجة بيحبها علشان يعمل حاجة تانية بيحبها برضو وعايز يجربها بس محتاج عيلة تسانده على اتخاذ قراره'.